Sääʹmteeʹǧǧ vaali võboršiiʹǩǩi piijjmõš poott 4.8.

Sääʹmteeʹǧǧ vaal-luʹvddkåʹdd mušttʼtat sääʹmteeʹǧǧ vaali 2023 võboršeeʹǩǩi piijjmõõžž puuttâm pi 4.8. čiâss 16. Vaʹlljeemõhttõõzz vuâđđeemäʹššǩeʹrjj/võboršeǩooccmõš feʹrttai leeʹd vaal-luʹvddkååʹddest Aanrest Sajoozz tåimmpääiʹǩest peäggtum mieʹrräigga mõõneeʹst (addrõs: Saamelaiskulttuurikeskus Sajos, Menesjärventie 2A, 99870 INARI).

Vaʹlljeemõhttõõzzin kaʹnnat väʹldded tän lokku jeäʹrben tâʹl, ǥu äʹššǩiiʹrjid tååimtet pååʹšt mieʹldd. Vaal-luʹvddkååʹddest ij leäkku jeeʹres tåimmpäiʹǩǩ, koʹst äʹššǩiiʹrjid vääldčeš vuâstta.

Jiõnnvuõiggâdvuõttneǩ vuäitt kuullâd tåʹlǩ õõut vaʹlljeemõhttõʹsse, leʹbe muđoi suu nõõm vääʹldet meädda pukin vaʹlljeemõhttõõzzin. Vaʹlljeemõhttõõzz äʹššoummust lij vueiʹttemvuõtt tiuddeed leʹbe vuõiǥeed ooccmõõžž teâđaid 8.8. čiâss 16 räjja.

Võboršeeʹǩǩ piijjmõʹšše kuulli lomaakk käunnʼje Sääʹmteeʹǧǧ interneʹttseeidain addrõõzzâst www.samediggi.fi/vaalit-2023/ da tõid vuäǯǯ še vaal-luʹvddkååʹdd konttrest Sääʹmkulttuurkõõskõs Sajoozzâst.

Vaaläʹššǩiiʹrji tååimtummuž ainsmâttmõššân vaal-luʹvddkåʹdd räukk 1.6.2023 mâŋŋa siirdčõõttâm oummuid da ålggjânnmin siirdčõõttâm oummuid tååimted peiʹvvuum addrõsteâđeez vaal-luʹvddkådda juʹna neʹttpååʹštin vaalit@samediggi.fi, suõjjuum neʹttpååʹšt pääiʹǩ: https://secmail.com/send/m7jcWH7B, teʹlfoonin 010 839 3155, 010 839 3177, 010 839 3174 leʹbe pååʹšt mieʹldd Saamelaiskäräjät / vaalilautakunta, Menesjärventie 2A, 99870 AANAR.


Jueʹjj seeid ooudårra

Jeeʹres ođđâz