Nuorâirääđi jesâneh väljejum toimâpajan 2026-2027

Nuorâirääđi eidusâžžân jesânin väljejuvvojii Sárá-Márjá Keskitalo, Ellen Saijets, Rosa-Máren Juuso, Ainomaija Mäenpää, Vesa Orassalo, Niila-Juhán Valkeapää já Mihku Näkkäläjärvi.

Värijesânin väljejuvvojii Tiia-Káren Alakorva, Áron Korpi, Lars-Tuomas Valkeapää, Hilda Musta, Lilja Ljetoff, Elle Raudasoja já Hans Ravna-Pieski.

Nuorâirääđi valjij juávhustis saavâjođetteijen Sárá-Márjá Keskitalo já värisaavâjođetteijen Ellen Saijets. Nuorâirääđi väljee äššitobdeejesânijd čuávuváá čuákkimist vyesimáánust.

Nuorâirääđi pargoid kuleh:

• Movtijdittiđ säminuorâid uásálistiđ ohtsâškodálii tooimân,
• ovdediđ säminuorâi aalmuglii já aalmugijkoskâsii oovtâstpargo,
• porgâđ oovtâstpargo nuorâi aašijd hoittájeijee aalmuglij já aalmugijkoskâsij ornijdumijguin já toimâorgaanijguin,
• västidiđ nuorâirääđi ooleest jiečânávt tuáimee sierâ Säminuorâi konferens orniimist kyevti ive kooskâi.Máttááttâs- já kulttuurministeriö ruttâd nuorâirääđi tooimâ.  Toimâpaje 2026-2027 nuorâirääđi parga eromâšávt sämikielâlii já kulttuurmiäldásii nuorâipargo ovdedem já pyeredem oovdân.

Jesânij valjim

Sämitige čuákkim väljee nuorâirááđán kyevti ihán häävild čiččâm jesânid sehe juáhážân persovnlii värijeessân. Nuorâirääđi väljee juávhustis rááđán kyevti ihán häävild saavâjođetteijee já värisaavâjođetteijee. Rääđi jesâneh kalgeh leđe valjim ääigi 18–28-ihásiih. Lasseen nuorâirääđi väljee rááđán kyevti ihán häävild enâmustáá vittâ pisováá äššitobdeejeessân, kiäh kalgeh leđe valjim ääigi 15-17-ihásiih. Nuorâirääđi saavâjođetteijee já värisaavâjođetteijee iävá taarbâš leđe Sämitige jesâneh.

Nuorâirääđist puáhtá leđe jieijâs tooimâ várás ohtâ tâi maŋgâ vyelijuávus. Nuorâirääđi aasât meriááigán vyelijuáhusijd já noomât juáhusân jesânin 15–28-ihásijd säminuorâid.

Rääđi sehe rääđi äššitobdeeh kalgeh ovdâstiđ Suomâ sämmilij kielâlijd já kuávlulijd juávhuid nuuvt pyereest, ko máhđulâš.

Lasetiäđuh:

Saana Aikio
vs. Nuorâičällee
044 494 6200
saana.aikio@samediggi.fi