Tábáhtusah
Sämitige čuákkim
Sämitige čuákkim oovdâst Sämitige alemus meridemvääldi. Tot čokkân 4–5 keerdi ivveest. Sämitige čuákkim meerrid váldunjuolgâduslávt sämitige adelem ciälkkámušâin, iävtuttâsâin já eres peleväldimijn.
Uápásmuu meid
Pargoost Sämitiggeest
Sämitiggeest mij porgâp oles sämiaalmug pyerrin, vâi sämikielâin já -kulttuurist ličij eellimsaje meid puátteevuođâst. Sämitigge lii ohtâ merhâšittee pargoadeleijee sämmilij päikkikuávlust. Toimâkieddi lii viijđes já äššitobdeeh annojeh sierâ suorgijd já sierâlágán pargoid.
Säminuorâi taaiđâtábáhtus
Säminuorâi taaiđâtábáhtus lii lamaš kulttuur já taiđuu hárjutteijee nuorâi vuossâmuš aareen jo 1970-lovo rääjist. Maaŋgah tääl tobdos sierâ suorgij taaiđârijn láá finnim tábáhtusâin sii vuossâmuu oovdânpyehtimsaje já eenikielâlijd keččeid já kuldâleijeid. Taaiđâtábáhtus naanood sämipárnái já -nuorâi oohtânkulluuvâšvuođâ já identiteet, puđâldâsâid sehe sämikielâ kevttim já oppâm.
Säämi kulttuurkuávdáš Sajos
Sämitige váldutoimâttâh já parlamentsali láá Säämi kulttuurkuávdáš Saijoosist Anarist. Sajos lii Tave-Laapi stuárráámus kongres- já tábáhtustáálu. Tileh, main láá moodeern čuákkimtekniik já tiätujotolâhohtâvuođah, heivejeh joba 430 ulmuu tábáhtussáid. Saijoos sajadâh kaskoo Sämieennâm, kaskoo maaŋgâpiälálii sämikulttuur já áinoošlajâsii luándu, addel tuođâi fijnâ raamijd maaŋgâlágánáid tábáhtussáid, tego konsertáid, čuákkimáid já priivaat tilálâšvuođáid.
