Säminuorâi konferens Anarist 14.–15.8.2025
Säminuorâi konferens uárnejuvvoo Anarist já ton váldu-uárnejeijen tuáimá Sämitige nuorâirääđi. Konferens teeman lii ärbivuáválâš tiätu.
Nuorâirääđi västid nuorâirääđi ooleest jiečânávt tuáimee sierâ säminuorâi konferens orniimist. Säminuorâi konferens puáhtá ovdediđ jieijâs noomâst ciälkkámušâid, iävtuttâsâid já alguid, moh lohtâseh säminuorâi elimân já pyereestvajemân.
Ohjelmist lii sahâvuáruh ja pargopääjih. Sahâvuáruid toollâv ovdâmerkkân Kietâčällee, stivrejeijee já kirječällee Suvi West, Sämituáijár, taiđui maister Anniina Turunen ja Muusiikpedagog, jyeigee Laura Tapiola. Meid Suomâ Lihâdem-, valastâllâm- já nuorâiminister Mika Poutala lii vuolgâttâm säminuoráid videotiervâttâs.
Pargopaajijd tuálih ee. SápmiDem-proojeekt, Rievdan – Muutos -haahâ, Indigenous Knowledge and Arctic Forests –haahâ (Meecij haldâšem já algâaalmugvuoigâdvuođah), Säämi Tyeje ja Sämimuseo Siida.
Ärbivuáválâš tiätu kuoskât algâaalmugáid uáli jieŋâlávt já maaŋgâ tääsist – tot ij lah tuš nurâldâh faktain tâi máátuin, peic tehálâš uási mii kulttuurist, identiteetist já maailmkooveest.
Konferens lii nuuvtá já áávus puoh säminuoráid. Almottâttâm konferensân lii áávus 8.8.2025 räi. Almottâttâm (lekkâs uđđâ laasân).
Säminuorâi konferens ohjelm já povdiittâs tun kaavnah nuorâirääđi nettisiijđoin. www.nuor.fi
Lasetiäđuh
Nuorâirääđi proojeektpargee
Lifu Torikka
Puh. 044 902 4833
lifu.torikka@samediggi.fi
Nuorâirääđi konferenspargojuávhu saavâjođetteijee
Niila-Juhán Valkeapää
niila-juhan.valkeapaa@samediggi.fi
