Sämitige kulttuurlävdikodde lii lekkâm uuccâmnáál kulttuurtorjuid 2026
Sämitige kulttuurlävdikodde lii almottâm uuccâmnáál kulttuurtorjuid staatâ budjetist (válduluokka 29, máttááttâsministeriö), moi ulmen lii ovdediđ sämikielâlii kulttuur siäilum já ovdedem, sehe tave-eennâmlij sämiseervij já Ucjuv Sämikirkkotuuvij paijeentoollâm. Uuccâmäigi lii 1.10.–31.10. koskâsii ääigi.
Kove: Ville Fofonoff
Säämi kulttuurmeriruuđâst juáhhojeh ihásávt ucâmušâst torjuuh sämmilâštaiđuu já -kulttuur jieškote-uv suorgijd sehe sämiservijd. Sämitige pargo-oornig mield torjuuh mieđettuvvojeh eidusâžžân kulttuurtoorjân tego proojeekttoorjân, pargo- teikâ eres toorjân já almostittemtoorjân sehe sämiseervij toimâm- já proojeekttoorjân.
Uuccâmluámáttuvah láá Sämitige nettisiijđoin čujottâsâst https://samediggi.fi/an/ovdasvastadassyergih/kulttuur/kulttuurmerirutta/
Toorjâucâmušâid puáhtá toimâttiđ digitaallávt, persovnlávt tâi äššiulmuu peht, vuolgâttiđ šleđgâpoostâ tâi poostâ peht. Toorjâucâmušâi vuolgâttem tábáhtuvá vuolgâtteijee ovdâsvástádâssáin.
Toorjâucâmušâid kalga čujottiđ Sämitiigán majemustáá roovvâdmáánu 31. peeivi 2025 tme 16.15 räi čujottâssáin: info@samediggi.fi tâi Sämitigge, Sajos, 99870 Aanaar/Inari.
Lasetiäđuid finnee kulttuurčällest puh. 010 839 3103 já šleđgâpoostâ peht kulttuuri@samediggi.fi
Sämitigge
