Sämitige valjâlävdikodde ocá toimâttâhčällee

Toimâttâhčällee pargon lii valjâlävdikode vuálásâžžân huolâttiđ ive 2027 sämitiggevaaljâi valmâštâlmân já olášutmân lohtâseijee pargoin, moh láá ei. puáttee já vyelgee poostâ diarisistem, valjâäššikiirjij postâdem valmâštâllâm, äššikiirjij kopijistem já postâdem sehe eres táváliih toimâttâhpargoh já valjâlävdikode čällee sierâ meridem pargoh.

Palvâluskoskâvuođâ tiäđuh

Pargo álgá 7.1.2026 tâi sopâmuš mield já tot pištá 31.12.2027 räi.

Virgekoskâvuođâ tevdimist nuávdittuvvoo neelji mánuppaje keččâlemäigi. Valjâlävdikode toimâsaje lii Säämi kulttuurkuávdáš Sajosist, Anarist.

Occest mij vyerdip

Asâttâsân vuáđuduvvee tohálâšvuođâvátámâššân lii viirgán hiäivulâš škovlim já sämikielâ máttu (asâttâs 1727/95). Hárjánem valjâlävdikode pargoost annoo hiättun.

Pälkki

Pälkki miärášuvá Sämitige pälkkivuáháduv vátávâšvuotâtääsi VI já II juávhu mield (vuáđupälkki 2 193,12 eurod/mp).  Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 22.12.2025 räi taan šleđgâlii uuccâmluámáttuv peht (lekkâs uđđâ laasân): Uuccâmluámáttâh

Lasetiäđuid pargoost adelává valjâlävdikode čällee Maria Valkeapää puh. 040 530 9513 já valjâlävdikode oovdânpyehteečällee Sinikka Mäkinen, puh. 044 705 7160.

Sämitige tooimân puáhtá uápásmuđ nettičujottâsâst www.samediggi.fi

Anarist 8.12.2025
Sämitigge