Sämitige valjâlävdikode pivdem lasečielgiittâsâin ive 2027 valjâluvâttâlmân merkkim várás
Sämitige valjâlävdikodde lii vuolgâttâm lasečielgiittâspivdemijd ive 2027 sämitiggevaaljâi valjâluvâttâllâm rähtim várás.
Laahâ Sämitiggeest uđâsmittui ive 2025 já uđâsmittum lahâsajeh (414/2025) šoddii vuáimán 1.8.2025. Uđâsmittum keežild Sämitige valjâlävdikoddeest lii laavâst asâttum pargo tärhistiđ valjâluvâttâlmân lasettem iävtuid puoh ulmuin, kiäh láá ive 2024 valjâluvâttâlmist. Uđâsmittum já tääl vyeimist orroo sämitiggelaavâ mield Sämitige ive 2027 valjâluvâttâlmân merkkim iähtu lii ive 2026 taat:
3 § (27.6.2025/414)
Vuoigâdvuotâ merkkejuđ valjâluvâttâlmân
Vuoigâdvuotâ merkkejuđ valjâluvâttâlmân lii ulmust, kote ana jieijâs sämmilâžžân, toin iävttoin, ete:
- olmooš jieš teikkâ aainâs-uv ohtâ suu vanhimijn, ááhust já äijihist teikkâ ááhui já äijihij vanhimijn lii oppâm sämikielâ vuossâmužžân kiellân; teikkâ
Ulmuu merkkim ovdebáá valjâluvâttâlmân ij tagarin meerhâš, ete suu kolgâččii merkkiđ meid ive 2027 valjâluvâttâlmân. Valjâlävdikodde täärhist laavâ vaattâm vuovvijn puoh ive 2024 valjâluvâttâlmân merkkejum ulmui uásild, ete olášuvá-uv tääl vyeimist orroo laavâ iähtu sii puotâ. Ulmuid, kiäi uásild valjâlävdikodde ij lah pastam visásmittiđ nk. kielâkriiteer olášume, lii vuolgâttum lasečielgiittâspivdem.
Lasečielgiittâspivdem finnim ulmust lii máhđulâšvuotâ toimâttiđ lyetittettee čielgiittâs nk. kielâkriiteer olášuumeest ovdil ko tahhoo miärádâs tast, merkkejuvvoo-uv sun ive 2027 valjâluvâttâlmân. Jis pivdum lasečielgiittâs ij toimâttuu meriääigi siste, árvuštâllâm laavâ vaattâm kielâkriiteer olášuumeest tahhoo kevttimnáál leijee amnâstuv vuáđuld.
Lasetiäđuh:
Sämitige valjâlävdikodde
Säämi kulttuurkuávdáš Sajos
vaalit(at)samediggi.fi
