Sämmilij tuotâvuotâ- já sovâdâttâmkomissio avžuuttâsâi árvuštâllâm tuárjoo čuávvumjuávkku aalgât pargoost
Staatârääđi lii onne oovtâstpargoost Sämitiggijn já Nuorttâlij sijdâčuákkimáin asâttâm Sämmilij tuotâvuotâ- já sovâdâttâmkomissio avžuuttâsâid árvuštellee parlamentarlii pargojuávhu koordinaatio- já čuávvumjuávhu. Juávkku tuárju parlamentarlii pargojuávhu pargo já naanood oovtâstpargo kuávdái tuáimei kooskâ.
Sämmilij tuotâvuotâ- já sovâdâttâmkomissio luovâttij loppâraportis staatârááđán, Sämitiigán já Nuorttâlij sijdâčuákkimân juovlâmáánu 4. peeivi 2025. Kove: Lauri Heikkinen, staatârääđi kanslia,
Skammâmáánust 2025 asâttum parlamentarlâš pargojuávkku valmâštâl ohtsii uáinu tast, et moid toimáid Sämmilij tuotâvuotâ- já sovâdâttâmkomissio loppâraapoort avžuuttâsâi vuáđuld kalga riemmâđ.
Koordinaatio- já čuávvumjuávhu pargon lii tuárjuđ parlamentarlii pargojuávhu pargo avžuuttâsâi árvuštâlmist, koordinistiđ oovtâstpargo parlamentarlii pargojuávhu, Sämitige já Nuorttâlij sijdâčuákkim kooskâst sehe čuávvuđ jieškote-uv tuáimei pargoid avžuuttâsâi ovdedem já tooimân pieijâm várás. Ton lasseen juávkku oovded loppâraapoort tiäđu sirdâšume syemmilii ohtsâškoddeest já staatâhaldâttuvâst.
”Sämmilij tuotâvuotâ- já sovâdâttâmkomissio parlamentarlii pargojuávhu pargo lii jođáskâm pyereest. Tääl asâttum koordinaatio- já čuávvumjuávkku visásmit, et komissio avžuuttâsah kieđâvuššojeh noonâ oovtâstpargoost sämmilijguin”, pááhud uáiviminister Petteri Orpo.
”Koordinaatio- já čuávvumjuávhu vuáđudem lii puáđus kuhesáigásii já huksejeijee savâstâlmijn staatáin. Juávhu pargon lii visásmittiđ, et sämmilijn já staatâst lii oovtâviärdásâš saje ovdediđ tuotâvuotâ- já sovâdâttâmkomissio avžuuttâsâi tooimân pieijâm já et komissio pyevtittem tiätu váldoo systematlávt staatâhaldâttuvâst kiävtun. Taat oovtâstpargo-orgaan fáálá ohtsii peevdi, mast puáhtá ovdániđ vijđásub parlamentarlii olesvuođâ uássin”, iätá Sämitige saavâjođetteijee sajasâš Tuomas Aslak Juuso.
”Mij vyerdip, et koordinaatio- já čuávvumjuávhu asâttem torvee Nuorttâlij sijdâčuákkim uásálâšvuođâ tuotâvuotâ- já sovâdâttâmkomissio pargo puátusij árvuštâlmist já avžuuttâsâi tooimân piejâmân lohtâseijee jotkâtooimâin”, iätá Nuorttâlij luáttámušolmooš Veikko Feodoroff.
Koordinaatio- já čuávvumjuávhust lii ovdâsteijee Sämitiggeest, Nuorttâlij sijdâčuákkimist, staatârääđi kansliast já riehtiministeriöst. Juávhu saavâjođetteijen tuáimá uáiviminister statâčällee Risto Artjoki.
Sämmilij tuotâvuotâ- já sovâdâttâmkomissio luovâttij loppâraportis staatârááđán, Sämitiigán já Nuorttâlij sijdâčuákkimân juovlâmáánu 4. peeivi 2025.
Lasetiäđuh:
uáivičällee Antti Rinne, p. 0295 160 573, uásádâhhovdâ Harri Martikainen, p. 0295 160 856, staatârääđi kanslia, Sämitige saavâjođetteijee sajasâš Tuomas Aslak Juuso p. 040 687 3394 já Nuorttâlij luáttámušolmooš Veikko Feodoroff p. 050 396 1297
Lasetiäđuh Sämmilij tuotâvuotâ- já sovâdâttâmkomissio pargoost já ton loppâraportist
Sämmilij tuotâvuotâ- já sovâdâttâmkomissio avžuuttâsâid árvuštellee parlamentarlii pargojuávhu koordinaatio- já čuávvumjuávhu asâttemmiärádâs (suomâkielân)
Sämmilij tuotâvuotâ- já sovâdâttâmkomissio avžuuttâsâid árvuštellee parlamentarlii pargojuávhu asâttemmiärádâs (suomâkielân)
Sämmilij tuotâvuotâ- já sovâdâttâmkomissio asâttemmiärádâs
Sämmilij tuotâvuotâ- já sovâdâttâmkomissio mandaat
Sämmilij tuotâvuotâ- já sovâdâttâmkomissio avžuuttâsâid árvuštellee parlamentarlii pargojuávhu koordinaatio- já čuávvumjuávhu asâttemmiärádâs (suomâkielân)
Sämmilij tuotâvuotâ- já sovâdâttâmkomissio avžuuttâsâid árvuštellee parlamentarlii pargojuávhu asâttemmiärádâs (suomâkielân)
Sämmilij tuotâvuotâ- já sovâdâttâmkomissio asâttemmiärádâs
Sämmilij tuotâvuotâ- já sovâdâttâmkomissio mandaat
