Tiervâpuáttim káhvástâllâmtilálâšvuođáid 17.6. Helsigist já 18.6. Anarist
Sämitigge puávdee sämmilijd já sämitiggelaavâ uđâsmittem oovdân porgâm ulmuid ávus káhvástâllâmtilálâšvuođáid majebaargâ 17.6. Helsigist já koskoho 18.6. Anarist.
Kove: Ville Fofonoff
Sämitiggelaavâ nubbe kieđâvuššâm álgá ovdâskode tievâsčuákkimist majebaargâ kesimáánu 17. peeivi. Nube kieđâvušmist meriduvvoo lahâiävtuttâs tuhhitmist tâi hilgomist.
– Mij halijdep povdiđ sämmilijd sehe puoh sii, kiäh láá porgâm sämitiggelaavâ uđâsmittem oovdân, ávus káhvástâllâmtilálâšvuotân. Tilálâšvuođah láá kyehti: vuossâmuš majebaargâ Helsigist já nubbe koskoho Sämitige tievâsčuákkim ohtâvuođâst Anarist. Lieggâsávt tiervâpuáttim savâstâllâđ já jyehiđ jurduid taan kuhes prosesist, eteh Sämitige saavâjođetteijee Pirita Näkkäläjärvi, 1. värisaavâjođetteijee Leo Aikio já 2. värisaavâjođetteijee Tuomas Aslak Juuso.
Tilálâšvuođâi ääigih já pääihih:
Helsig
Majebaargâ 17.6. tme 18-20
Oodi artistviste (lämpiö) (Töölönlahdenkatu 4, 00100 Helsig)
Aanaar
Koskoho 18.6. tme 17
Säämi kulttuurkuávdáš Saijoos aula (Sämitige čuákkim ohtâvuođâst)
Lasetiäđuh:
Helsig tilálâšvuođâ uásild:
Niina Siivikko
Saavâjođetteijee išedeijee
044 779 1620
niina.siivikko@samediggi.fi
Aanaar tilálâšvuođâ uásild:
Johanna Alatorvinen
Viestâdemčällee
040 663 4493 / 010 839 3140
johanna.alatorvinen@samediggi.fi
