Almottâttâm Säminuorâi taaiđâtábáhtusân álgá

Säminuorâi taaiđâtábáhtus 2025 njuolgâdusah:

Jyehi teemast láá kulmâ aheluoka: 6-8 ihásiih, 9-12-ihásiih sehe 13-20 ihásiih. Taaiđâtábáhtus lii ávus teemaid uásálistee vuáđuškoovlâ já nube tääsi sämikielâ máttááttâsâst leijee párnáid já nuoráid.

1) Säminuorâi taaiđâtábáhtusân pyehtih uásálistiđ vuáđuškoovlâ já nube tääsi sämikielâi máttááttâsâst leijee 6-20-ahasâš párnááh já nuorah.

2) Taaiđâtábáhtus kielân láá nuorttâsämikielâ, aanaarsämikielâ já tavesämikielâ.

3) Taaiđâtábáhtusâst lii kyehti teema (sajeh 4-5).

4) Teatter

Teatteroovdânpyehtim šlaajâ lii rijjâ já tot puáhtá leđe soolo- tâi juávkkuoovdânpyehtim. Teatteroovdânpyehtim fáddá lii rijjâ.

Teatteroovdânpyehtim tuáváást lii máhđulâš kevttiđ tuáváášpäädi. Tuáváášpäddi puáhtá leđe sämimuusik tâi jienâmaailm. Tuáváášpäddin kevttum jienâvuárkká puáhtá leđe juo-uv jieš rahtum teikkâ kiännii eres ráhtám.

Oovdânpyehtimist kevttum tuáváášpäädi kalga toimâttiđ tábáhtus uárnejeijeid muuneeld.

Oovdânpyehtim kukkodâh puáhtá leđe enâmustáá 10 minuttid.

5) Pirâstaaiđâ

Pirâstaaiđâ ráhtoo luándun tâi huksejum pirrâsân. Tot puáhtá leđe tyeji, proosees tâi tábáhtus. Puovtâ kalga väldiđ vuotân jieijâs pirrâs já tovâttiđ vuáruvaikuttâs keččee já saje kooskân. Huámášume puáhtá kiddiđ meid pirrâs nubástussáid já ääigi kulâmân. Pirâstaiđuu jiešvuotân kulá ton almolâšvuotâ sehe kuulmâuulâtlâšvuotâ já sajalâšvuotâ. Piirâs puáhtá hammiđ puohtui jotkuuvâšvuođâ. Pirâstaiđuu juurdâ puáhtá vuáđuduđ saje iävttoid, tilán, luándun, mainâsijd tâi merhâšuumijd. Pirâspuohtuuh láá maŋgii koskâpuddâsiih tâi láppojeijeeh.

Pirâstaaiđâtyeje fáddá já olášuttemvyehi lii rijjâ.

Kost puovtâ lii? Maht puovtâ lahtoo pirrâsân?

Pirâstaaiđâtyeji oovdânpuáhtoo videoin. Videost puáhtá kuvviđ puohtuu tâi tábáhtume jieškote-uv keččâmkuávluin, já puáhtá meid siämmást saanijguin kuvviđ puohtuu tuáváá já fáádá.

Videost pyehtih leđe uásálisteijee lasseen iäráseh-uv.

Video kalga kuvviđ puhelimáin tâi tablettiäturáin. Video puáhtá leđe ciägu- teikkâ láskud. Video tiätuvuárkkáhäämi lii .MP4 tâi .MOV. Eres ko esken mainâšum videotiätuvuárkkáhäämih iä valduu mieldi árvuštâlmân.

Video kukkodâh puáhtá leđe enâmustáá 5 miinut.

6) Puoh šlaajâin lii kulmâ aheluoka:

6–8-ihásiih

9–12-ihásiih

13–20-ihásiih

7) Vuálá 13-ihásiih pyehtih uásálistiđ olesahasii stivriimist.