Ijâttes Iijân uđđâ pyevtitteijee - sämimuusikkuávdáá vuávájeijen algâttâm Minna Lehtola

Minna Lehtola lii algâttâm Sämitige sämimuusikkuávdáá vuávájeijen uđđâivemáánu pelimuddoost. Sämitige stivrâ valjij Lehtola vuávájeijee viirgán čuákkimstis 14/2025 (19.11.2025). Sämitige sämimuusikkuávdáá tooimâ joođeet vuávájeijee, kiän stuárráámussân ovdâsvástádâssyergin já pargo-olesvuottân lii Ijâttes Ijjâ – algâaalmugij muusikfestivaal pyevtitteijen toimâm.

” Lii stuorrâ ilo peessâđ porgâđ sämikulttuur ooleest tábáhtuspyevtittem uáinust. Ijâttes Ijjâ lii jo kuhháá uárnejum ärbivyehi já festivaal lii ohtâ loppâkeesi njunoštábáhtusâin maŋgáid. Lii suotâs leđe mieldi tábáhtus orniimist.”

Lehtola lii luuhâm kulttuurpyevtittem Jyväskyläst Humanistlii áámmátollâškoovlâst já sämmilii kulttuur válduamnâsin Oulu ollâopâttuvâst. Ovdil sun lii porgâm ei. Dihtosis-haavâst Sämitiggeest já čáitáldâhamanuenssin Sämimuseo Siidast.

Ijâttes Ijjâ – algâaalmugij muusikfestivaal lii uárnejum Anarist ive 2004 rääjist. Taan ive festivaal uárnejuvvoo 14. 15.8.2026.

Lasetiäđuh:

Minna Lehtola
Sämimuusikkuávdáá vuávájeijee
044 902 9295
minna.lehtola@samediggi.fi