Kulttuurlävdikodde juovij ive 2026 kulttuurtorjuid
Sämitige kulttuurlävdikodde juovij čuákkimist 1/2026 Máttááttâs- já kulttuurministeriö ihán 2026 mieđettem staatâtorjuu sämikielâlii kulttuur oovdedmân. Toorjâ juáhhoo sämmilij taiđuu já kulttuur rähteid, sämiseervij tooimân já Tave-enâmij sämiseervij tuárjumân sehe Ucjuv Sämikirkkotuuvij paijeentolâmân.
Kove: Johanna Alatorvinen
Staatâ ive 2026 budjetist láá mieđettum 222 000 eurod (nk. sämmilâš kulttuurmeriruttâ) sämmilii taiđuu já kulttuur oovdedmân ive 2026–2027. Meriruttâ lii čujottum njuolgist Sämitige kiävtun. Sämitige pargo-oornig 4 § 8 saajeest uáivildum kulttuurlävdikodde meerrid staatâtoorjâvirgeomâhâžžân sämmilii kulttuurmeriruuđâ jyehimist.
Meriääigi siste Sämitige toimâttâhân pottii 82 uuccâmtohálâžžâd ucâmuššâd, main 13 ucâmuššâd lijjii Tave-enâmij sämiseervijn. Torjuid uccii ohtsis 449 749 euro oovdâst.
Sämitigge taha miärádâsâid njuhčâmáánu ääigi já piäjá mááksun majemustáá cuáŋuimáánu 15. peeivi räi. Sämitiggeest adelum laavâ mield (27.6.2025/414) Sämitigge meerrid laavâ 8 § vuáđuld sämmilij ohtsii kiävtun čujottum ruuđâi jyehimist, te innig iä toovâ sopâmušâid išeruuđâ finnejeijeiguin.
Lasetiäđuh:
Riitta Orti-Berg
Kulttuurčällee
040 840 0383 / 010 839 3103
riitta.orti-berg@samediggi.fi
