Puáđi mieldi sämikielâlii oppâmaterialpaargon!
Sämitigge ocá anarâš-, nuorttâlâš- já orjâlâškielâlij oppâmaterialij pyevtitmân rähteid sierâlágán pargoid.
Sämitigge pyevtit jyehi ive máttááttâs- já kulttuurministeriöst finnejum meriruuđáin sämikielâlii já sämikielâ máttááttâsân uáivildum oppâmaterial. Oppâmaterialpargoost västid Sämitige škovlim- já oppâmaterialtoimâttâh. Material pyevtitmân tarbâšep sämikielâ mättee rähteid (freelancer), kiäh pyehtih rähtiđ materialist uási tâi pargopittáolesvuođâ valmâšin.
Mij tarbâšep rähteid ei.
- suomâkielâlij oppâmaterialij jurgâlmân sämikieláid,
- sämikielâlii oppâmaterial kielâtipšomân já njuálguluhâmân,
- oppâmaterial tuáijimpaargon (graafisâš vuávám),
- oppâmaterial kuuvij pyevtitmân,
- digitaallij oppâmaterialij rähtimân.
Rähteiguin tahhoo sopâmuš porgâmnáál pargoost. Pälkki porgum pargoost miärášuvá Sämitige oppâmaterialpargo máksutavlustuv mield já päälhi puáhtá jo-uv mäksiđ reekkig vuáđuld (y-tubdâldâh) tâi tom puáhtá mäksiđ viäruttemnáál puáttun.
Oppâmaterialprojektij pargoh heivejeh ovdâmerkkân uáppeid tâi uálgipargon eres pargoost leijee ulmuid.
Ucâmuš oppâmaterialpargo pargen kalga toimâttiđ taan luámáttuv peht.
Mij väldip occeid ohtâvuođâ njuolgist taađeest ko hiäivulâš pargo ličij tiäđust. Uuccâmluámáttâh lii áávus 15.4.2026 räi.
Lasetiäđuid adelává vs. oppâmaterialčällee Katja Semenoff, katja.semenoff(at)samediggi.fi já škovlimčällee Bigga-Helena Magga, bigga-helena.magga(a)samediggi.fi.
Sämitige tooimân puáhtá uápásmuđ čujottâsâst www.samediggi.fi já oppâmaterialij nettikáávpán čujottâsâst www.samediggi.fi/oppimateriaalikauppa/
Anarist 12.3.2026
Sämitigge
