Sämitigge ocá äššigâspalvâleijee Säämi kulttuurkuávdáš Sajosân
Sämitigge almoot uuccâmnáál meriáigásii äššigâspalvâleijee pargo.
Sajos äššigâspalvâleijee pargoid kuleh ei. äššigâspalvâlem, Sajos vuástáväldim já infosaje hoittám, Säämi kulttuurkuávdáá uápistemriggeeh, čuákkimij já tábáhtusâi orniimân kullee pargoh sehe táárbu mield raavâdviäsust išedem já tiilij putesin toollâm. Äššigâspalvâleijee parga Säämi kulttuurkuávdáš Saijoos palvâlemohtâduv uássin. Pargoääigih láá iänááš Säämi kulttuurkuávdáš Saijoos ávusorroomääigi, argâpeeivij tijme 9–17, motomin meid ehidij já oholoopâi Sajosist ornimnáál tilálâšvuođâi já tábáhtusâi tiet.
Palvâluskoskâvuođâ tiäđuh
Meriáigásâš pargo álgáččij uđđâivemáánu 2026 ääigi sopâmuš mield já pištá 31.12.2026 räi.
Pargo tevdimist nuávdittuvvoo neelji mánuppaje keččâlemäigi.
Pargo pargoo Säämi kulttuurkuávdáš Sajosist, Anarist. Pargo ij lah máhđulâš porgâđ káidusin.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm škovliittâs já sämikielâ máttu (asâttâs 1727/95). Pargo miänástuvvee hoittáámist iššeed pargohárjánem äššigâspalvâlempargoin, šiev sämikulttuur tubdâm, njyebžilis eŋgâlâskielâ táiđu, jiešráđálâšvuotâ, njyebžilvuotâ sehe šiev vuáruvaikuttâstááiđuh.
Pälkki
Pälkki miärášuvá Sämitige pälkkivuáháduv vátávâšvuotâtääsi VI/III mield (vuáđupälkki 2127,68 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 8.1.2026 räi taan uuccâmluámáttuv peht (lekkâs uđđâ laasân). Uuccâmluámáttâh
Lasetiäđuid pargoost addel markkânistemhovdâ Oula Guttorm, oula.guttorm@samediggi.fi.
Sämitige tooimân puáhtá uápásmuđ nettičujottâsâst www.samediggi.fi já Säämi kulttuurkuávdáš Saijoos tooimân čujottâsâst www.sajos.fi
Anarist 22.12.2025
Sämitigge
