Sämitigge ocá haldâttâhčällee virgesajasii - Sämitigge juátká uuccâmääigi 22.4.2025 räi
Sajasâšvuotâ álgáččij sopâmuš mield nuuvt jotelávt ko máhđulâš já pištá aalgâst kesimáánu loopâ räi.
Haldâttâhčällee pargoh láá miäruštâllum Sämitige pargo-oornig 28 §:st.
Haldâttâhčällee pargon lii ei. hoittáđ almos toimâttuv táválijd toimâttâh- já haldâttâhpargoid, sehe čäällimkode puhelinkuávdáá já puáttee poostâ. Pargo pargoo iänááš Säämi kulttuurkuávdáš Saijoosist, Anarist. Pargoost lii máhđulâš uásild porgâđ káidusin.
Asâttâsân vuáđuduvvee tohálâšvuođâvátámâššân lii pargo vaattâm škovliittâs já lasseen váttoo sämikielâ máttu (Sämitiggeest adelum asâttâs 1727/1995). Pargo miänástuvvee hoittáámist iššeed maaŋgâpiälálâš hárjánem toimâttâhpargoin já haaldâtlij pargoi tubdâm. Mij anneep áárvust naavcâid jiečânâs já huolâlii porgâmân sehe šiev oovtâstpargo- já vuáruvaikuttâstááiđuid.
Pälkki miärášuvá Sämitige pälkkivuáháduv vátávâšvuotâtääsi VI/I mield (vuáđupälkki losijttáá 2203,65 eurod/mp). Vuáđupäälhi lasseen máksojeh pargohárjánem mield miärášuvvee hárjánemlaseh já 24 % sämikuávlu lase.
Uuccâmluámáttuv, rijjâhámásii uuccâmreeivâ sehe máhđulii ánsuluvâttâllâm já eres lahtosijd já tuođâštusâid kalga toimâttiđ Sämitige čäällimkoodán majemustáá 22.4.2025 taan uuccâmluámáttuv peht (lekkâs uđđâ laasân): Uuccâmluámáttâh
Lasetiäđuid addel haldâttâhhovdâ Pia Ruotsala-Kangasniemi puh. 010 839 3106.
Sämitige tooimân puáhtá uápásmuđ nettičujottâsâst www.samediggi.fi.
Anarist 1.4.2025
Sämitigge
