Sämitigge ocá proojeektpargee Ijâttes ijjâ -festivaalân
Meriáigásâš proojeektpargee västid Ijâttes ijjâ -algâaalmugij muusikfestivaal išepyevtitteijee pargoin. Ijâttes ijjâ -festivaal uárnejuvvoo 14.‒15.8.2026 Anarist, Säämi kulttuurkuávdáš Sajosist.
Palvâluskoskâvuođâ tiäđuh
Pargo álgá 1.6.2026 já pištá 21.8.2026 räi. Išepyevtitteijee parga noonâ oovtâstpargoost sämimuusikkuávdáá vuávájeijein.
Pargo tevdimist nuávdittuvvoo mánuppaje keččâlemäigi.
Proojeektpargee toimâsaje lii Säämi kulttuurkuávdáš Sajosist, Anarist. Kesi-syeinimáánu ääigi lii máhđulâš porgâđ uásild káidusin.
Occest mij vyerdip
Tohálâšvuođâiähtun lii pargo vaattâm hiäivulâš škovlim já sämikielâ táiđu (asâttâs 1727/95). Pargo miänástuvvee hoittáámist išedeh hárjánem tábáhtusâi orniimist, šiev oovtâstpargo- já vuáruvaikuttâstááiđuh sehe naavcah jiečânâs já huolâlii porgâmân. Hiättun annoo šiev eŋgâlâskielâ táiđu.
Pälkki
Proojeektpargee pälkki miärášuvá Suomâ Sämitige pälkkivuáháduv vátávâšvuotâtääsi V/II mield (vuáđupälkki 2490,57 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 19.4.2026 räi taan uuccâmluámáttuv peht (lekkâs uđđâ laasân).
Lasetiäđuid pargoost addel sämimuusikkuávdáá vuávájeijee Minna Lehtola puh. 044 902 9295 minna.lehtola@samediggi.fi.
Sämitige tooimân puáhtá uápásmuđ čujottâsâst www.samediggi.fi já Ijâttes ijjâ-algâaalmugij muusiktábáhtusân čujottâsâst: www.ijahisidja.fi
Anarist 23.3.2026
Sämitigge
