Uđđâ ovdâčielgiittâs almostittum: sämikielâlij sosiaal- já tiervâsvuotâpalvâlusâi kulttuurlâš vaikuttâs

Ohtsâškoddetiettui tuáhtár Lydia Heikkilä (2025) rähtim ovdâčielgiittâs kieđâvuš sosiaal- já tiervâsvuotâpalvâlusâi kulttuurlii vaikuttâs sämmilii uáinust. Ovdâčielgiittâs mield palvâlusâi turviimân uáivildum staatâtoorjâ lii tehálâš uási sämmilij palvâlusvuáháduvâst, já tuárju sämmilij algâaalmugvuoigâdvuođâi olášuttem.

Čielgiittâs ulmen lii iberdiđ algâaalmuguáinust tehálijd kulttuurlii vaikutteijeevuođâ uásitahheid sehe lasettiđ ibárdâs palvâlusâi ornim já olášuttem sierânâskoččâmušâst, eromâšávt čuávvum já vaikuttâsâi árvuštâllâm vuovvijn.

Sämitige mield staatâtorjuin pyevtittum palvâlusah čyeccih sämisiärváduv já -kulttuur váimussoojijd, tego palvâlussáid, moh olášuttojeh sämmilij áárvui já täpikulttuur mield. Taah palvâlusah nanodeh sämmilij vuoigâdvuođâ jieijâskielâláid já kulttuurmiäldásáid palvâlussáid uássin algâaalmugvuoigâdvuođâid.

Ovdâčielgiittâs lii rahtum Tave-Suomâ sosiaalsyergi mättimkuávdáá sämiohtâduv sierânâspargon. Pargo fáádá valjim já pargostivrim lii olášuttum oovtâstpargoost Sämitige sosiaal- já tiervâsvuođâlävdikuddijn.

Ovdâčielgiittâs