Sämitigge ocá meriáigásijd oppâmaterial proojeektpargeid
Sämitigge almoot uuccâmnáál kyehti meriáigásii oppâmaterial proojeektpargee pargo.
Nube proojeektpargee pargoh kuleh sämikielâlii aabis pyevtitmân vuáđuškoovlâ algâmáttááttâsân. Nube proojeektpargee pargoh kuleh paješkoovlâ sämikielâlii historjákirje sämmilâšaašij pyevtitmân.
Proojeektpargeeh pargeh noonâ oovtâstpargoost oppâmaterialvuávájeijeiguin.
Palvâluskoskâvuođâ tiäđuh
Meriáigásiih pargoh álgáččii sopâmuš mield ive 2026 ääigi. Palvâluskoskâvuođâ kukkodâh sorjo pargoäigiprosentist. Oles pargoaigijn historjá material proojeektpargee palvâluskoskâvuotâ lii kyevti mánuppaje kukkosâš já sämikielâlii aabis proojeektpargee pargo neelji mánuppaje kukkosâš. Máhđulii joođhâst ráđádâllâp sierâ.
Oppâmateriaaltoimâttuv toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ káiduspargon.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm škovliittâs já sämikielâ máttu (asâttâs 1727/95). Pargo miänástuvvee hoittáámist iššeed pargo oppâmaterial sehe máttááttemnáál amnâs tubdâm, pargohárjánem oppâmaterialpargoost, pyeri sämikulttuur tubdâm, huolâlâšvuotâ já pyereh vuáruvaikuttâstááiđuh.
Algâmáttááttâs material pyevtitmân mij uuccâp orjâlâškielâ mättee pargee.
Pälkki
Pälkki miärášuvá Sämitige pälkkivuáháduv vátávâšvuotâtääsi V/I mield (vuáđupälkki 2762,37 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, sehe rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 31.3.2026 räi šleđgâlii uuccâmluámáttuv peht (lekkâs uđđâ laasân).
- Uuccâmluámáttâh sämikielâlii aabis proojeektpargen
- Uuccâmluámáttâh sämikielâlii paješkoovlâ historjá oppâkirje proojeektpargen
Lasetiäđuid pargoost adelává vs. oppâmaterialčällee Katja Semenoff katja.semenoff@samediggi.fi já oppâmaterialvuávájeijee Marita Aikio marita.aikio@samediggi.fi.
Sämitige tooimân puáhtá uápásmuđ čujottâsâst www.samediggi.fi já oppâmaterialij nettikáávpán čujottâsâst www.samediggi.fi/oppimateriaalikauppa/
Anarist 12.3.2026
Sämitigge
