Čevetjäävrist čokkânii sämmilij päikkikuávlu luándusuojâlemaašij ooleest
Pirâsministeriö, Laapi IJP-kuávdáš, Meccihaldâttâs, Nuorttâlij sijdâčuákkim já Sämitigge čokkânii Luándusuojâlemtiigán nuorttâlâškuávlun Čevetjáávrán 23.-24.9.2025. Luándusuojâlemtigge lii sämmilij päikkikuávlu staatâ enâmij luándusuoijâlmist västideijee virgeomâhái já Sämitige koskâsii oovtâstpargo ovdedeijee teivâdem, mii uárnejuvvoo jyehi ive. Taan ive teeman lâi nuorttâlij kulttuur já tilálâšvuođâ ääigi uásiväldeeh kollii nuorttâlij ärbivyehitáálust.
Pirâsministeriö, Laapi IJP-kuávdáš, Meccihaldâttâs, Nuorttâlij sijdâčuákkim já Sämitigge čokkânii Luándusuojâlemtiigán Čevetjáávrán 23.-24.9.2025.
Teivâdmist uásálisteeh ellii čoođâ organisaatioi äigikyevdilijd aašijd. Sij savâstâllii vijđáht ovdâmerkkân EU ovdii tilán maacâtmân kyeskee asâttâs aalmuglii olášutmist já sämmilij päikkikuávlu meccijotolâhân kyeskee koččâmušâin.
– Luándusuojâlemtigge lii jo ärbivyehhin šoddâm merhâšittee oovtâstpargoteivâdem já lii tehálâš, ete mij toollâp kiddâ tilálâšvuođâ orniimist jyehi ive, paahud I värisaavâjođetteijee Leo Aikio.
Sämitiggeest Luándusuojâlemtiigán uásálistii I värisaavâjođetteijee Leo Aikio, iäláttâs- já pirâslahâčällee Sarita Kämäräinen, iäláttâsčällee Laura Olsén-Ljetoff já vs. pirâsčällee Leena Niska. Luándusuojâlemtigge lii čokkânâm ive 2002 rääjist.
Lasetiäđuh:
Leo Aikio
I värisaavâjođetteijee
040 621 6505
leo.aikio@samediggi.fi
