Sämitigge lii uásálistám aktiivlávt vuáđulahâváljukode kulâmáid sämitiggelahâiävtuttâsâst
Sämitigge lii uásálistám algâive ääigi vuáđulahâváljukode puoh kuuđâ äššitobdeekulâmân, moh kyeskih sämitiggelahâiävtuttâsân, já uásálist vala puáttee kulâmáid njuhčâmáánu 21. já 25. peeivi.
Kove: Sarita Kämäräinen
Vuáđulahâváljukodde lii juátkám sämitiggelahâiävtuttâsân kyeskee äššitobdeekulâmijd kuovâ- já njuhčâmáánu ääigi. Tááláá tiäđu mield majemuš äššitobdeekuullâm lii majebaargâ njuhčâmáánu 25. peeivi.
– Vuáhádum toimâvyevi mield mij lep adelâm vuáđulahâváljukoodán pargoráávhu sämitiggelahâiävtuttâs kieđâvušmân, epke kommentist kooskâst orroo ääši almolávt. Tuoivân lii, ete lahâiävtuttâs kieđâvuššâm ovdâskoddeest kiergâttuvoo kiđđâčuákkimpaje ääigi, iätá saavâjođetteijee sajasâš Tuomas Aslak Juuso.
Sämitiggeest kulâmáid láá uásálistám saavâjođetteijee sajasâš Tuomas Aslak Juuso, I värisaavâjođetteijee Leo Aikio, lahâčällee Kalle Varis já iäláttâs- já pirâslahâčällee Sarita Kämäräinen.
Sämitiggelahâiävtuttâs lii uáiviminister Petteri Orpo haldâttâsohjelmist. Äšši vuolgâttui vuáđulahâváljukoodán 14.2.2024, moos eennâm- já meccituáluváljukodde, ekonomiaváljukodde já pargoeellim- já täsiárvuváljukodde kalgeh adeliđ ciälkkámuš lahâiävtuttâsâst. Sämitigge lii uásálistám algâive ääigi meid ekonomiaváljukode sehe eennâm- já meccituáluváljukode äššitobdeekulâmáid.
Vuáđulahâváljukodde ornij almos kuullâm sämitiggelaavâ uđâsmitmist 17.10.2024. Kuullâm puáhtá keččâđ nettivuárkkán čujottâsâst https://verkkolahetys.eduskunta.fi/fi/.
Ääši kieđâvuššâmtiäđuh ovdâskoddeest: https://www.eduskunta.fi/FI/vaski/KasittelytiedotValtiopaivaasia/Sivut/HE_100+2023.aspx
Lasetiäđuh:
Tuomas Aslak Juuso
Saavâjođetteijee sajasâš
040 687 3394
tuomas.juuso@samediggi.fi
Leo Aikio
I värisaavâjođetteijee
040 621 6505
leo.aikio@samediggi.fi
