Sämitigge ocá pirâsčällee
Sämitigge almoot uuccâmnáál pirâsčällee virge.
Sämitige pirâsčällee pargoh láá luvâttâllum Sämitige pargo-oornigist saajeest 26 b §. Pirâsčällee västid ei. jieijâs toimâsyergi uásild sämmilij päikkikuávlu pirrâsân já eennâmkevttimân kyeskee já vaikuttâsâi peeleest toos ulâtteijee aašij valmâštâlmist, sämmilijd kyeskee aalmugijkoskâsij sopâmušâi olášuttem valmâštâlmist sehe tuáimá iäláttâs- já vuoigâdvuotâlävdikode oovdânpyehten.
Palvâluskoskâvuođâ tiäđuh
Fastâ pargo álgá majemustáá 1.9.2026 tâi sopâmuš mield.
Virge tevdimist nuávdittuvvoo kuuđâ mánuppaje keččâlemäigi.
Pirâsčällee virge lii Sämitiggeest almos toimâttuvâst. Sämitige toimâsaje lii Säämi kulttuurkuávdáš Sajosist, Anarist. Pargo lii máhđulâš porgâđ uásild káiduspargon.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm škovlim já lasseen váttoo sämikielâ máttu (asâttâs 1727/95). Pargo miänástuvvee hoittám váátá vijđes sämikulttuur tubdâm, šiev sämmilii ärbivuáválii tiäđu já pirâsaašij haldâšem, hárjánem haaldâtlijn pargoin sehe šiev ráđádâllâm- já oovtâstpargotááiđuid. Lasseen mij vyerdip njyebžilis kirjálii tááiđu, tááiđu porgâđ jiečânávt já meid šiev organisistemtááiđuid já streesihaldâšemnaavcâid. Virge miänástuvvee hoittáámist iššeed hiäivulâš ollâškovlâtođhos.
Pälkki
Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, sehe rijjâtátulii, rijjâhámásii uuccâmreeivâ sehe máhđulii ánsuluvâttâllâm já eres lahtosijd (kirjálijd tuođâštusâid kielâtááiđust já totkosijn) kalga toimâttiđ Sämitige čäällimkoodán majemustáá 30.4.2026 räi taan uuccâmluámáttuv peht (lekkâs uđđâ laasân). Uuccâmluámáttâh
Lasetiäđuid pargoost addel haldâttâhhovdâ Pia Ruotsala-Kangasniemi puh 010 833 106.
Sämitige tooimân puáhtá uápásmuđ čujottâsâst www.samediggi.fi
Anarist 1.4.2026
Sämitigge
