Uđđâ nuorttâlâškielâlâš digimaterial lii almostum
Škovlim- já oppâmateriaaltoimâttâh lii almostittâm uđđâ nuorttâlâškielâlii jienâmaterial. Kuvddâl sääʹmǩiõl! lii sárnumkielâ paddiimij nurâldâh já tot lii uáivildum puohháid, kiäh máttááttâleh nuorttâlâškielâ. Mainâsijn láá sierâ teemah tego muštâlusah pärnivuođâst, sierâ ámátteh já äigiájánâsah, peerâ tâi argâpeeivi eellim.
Ulmen lii nanodiđ nuorttâlâškielâ algâkuursâ uáppee sárnumkielâ iberdem já jienâdem. Jyehi siijđost lii paddim sehe iberdemhárjuttâsah. Hárjuttâsâin finnee vástádâsâid koččâmuššáid. Paddiimeh láá juohhum tassijd 1–5. Uáppee puáhtá rähtiđ hárjuttâsâid ohtuu, oovtâst máttáátteijein tâi vaanhimijguin.
Muštâleijen láá Merja Fofonoff, Ville-Riiko Fofonoff, Raija Lehtola, Erkki Lumisalmi, Eeva Nykänen, Tauno Porsanger já Tiina Sanila-Aikio.
Esther Berelowitsch lii paddim já hammim paddiimijd, čáállám hárjuttâsâid já váldám čuovâkuuvijd. Unni Länsman já Esther Berelowitsch lává hammim digimaterial.
Kuvddâl sääʹmǩiõl! -nurâldâh tievâsmittoo ain.
Digimaterial puáhtá tiiláđ Sämitige nettikäävpist: Kuvddâl sääʹmǩiõl! digikirje
Lasetiäđuh:
Esther Berelowitsch
Vs oppâmateriaalvuávájeijee
044 746 7280
esther.berelowitsch@samediggi.fi
