Uđđâ sämitiggelaavâ já valjâpaje 2024-2027 juhle

Juhlepeivi vuálgá joton kähvikuásutmijn Saijoos aulast tijme 10:15 já ohjelm álgá tijme 11:00 Saijoos auditoriost. Peeivi ääigi mij kuullâp sahâvuáruid, savâstâllâm uđđâ sämitiggelaavâst já ennuv muusik.

• Peeivi ohjelm puáhtá čuávvuđ káidusin tulkkojum vuolgâttâssân čujottâsâst https://us06web.zoom.us/j/84081619667
• Eehidkonsert puáhtá čuávvuđ čujottâsâst sajos.fi/live

Tilálâšvuođâst kuullâp sahâvuáruid Sämitige saavâjođetteijeejuávhust já Ruotâ já Taažâ Sämitige ovdâsteijein. Máttááttâsminister Anders Adlercreutz tooimâst staatâ tiervâttâs. Peeivi ääigi mij kuullâp moodeern já ärbivuáválii muusik, eereeb iärrás Vuáču nieidah, oobižeh Biret-Ingermaria Vars 15 i. já Ánná-Frida Vars 13 i. juoigâv ärbivuáválijd juáigusijd, Aimo Aikio lávlu nuorttâlâš- já anarâškielân já Anna Lumikivi-Lemmetty oovdânpuáhtá ärbivuáválii nuorttâlii leu’dd. Peeivi puoh lávdásteijeeh kávnojeh vyelni leijee ohjelmist.

Eehidpeeivi ohjelm juátkoo muusikoovdânpyehtimijguin já paaneelsavâstâlmijn, já peeivi loopâst lii ohtsâš kähvi- já kákkukuásuttem Saijoos aulast.

 Ohjelm

10:30 Kähvikuásuttem Saijoos aulast

11:00 Muusikoovdânpyehtim

11:05 Algâsäänih

11:10 Saavâjođetteijeejuávhu tiervuođah

• Pirita Näkkäläjärvi, Sämitige saavâjođetteijee

• Leo Aikio, Sämitige I värisaavâjođetteijee

• Tuomas Aslak Juuso, II värisaavâjođetteijee

11:25 Ärbivuáválâš juoigâm Ánná-Frida já Biret-Ingermaria Vars

11:30 Taažâ Sämitige tiervuođah, tievâsčuákkim saavâjođetteijee Sandra Márjá West

11:35 Ruotâ Sämitige tiervuođah, II värisaavâjođetteijee Mari-Ann Nutti

11:40 Ärbivuáválâš leu’dd Anna Lumikivi-Lemmetty

11:45 Täsivääldi president kirjálâš tiervâttâs, lohhen nuorâirääđi saavâjođetteijee Rosa-Máren Juuso  

11:50 Staatâ tiervuođah, Máttááttâsminister Anders Adlercreutz

12:00 Riehtiministeriö tiervuođah, Johanna Suurpää

12:05 Tiervuođah, MEP Anna-Maja Henriksson

12:15–14:00 Puddâ

14:00 Nuorttâ- já anarâškielâlâš muusik Aimo Aikio

14:05 Säämi Suuvâ Laavlâ, Ulpu Mattus-Kumpunen

14:10 Paaneelsavâstâllâm

15:15 Ärbivuáválâš juoigâm Antti Oula Juuso

15:20 Čuákánkiäsu

15:25 Sämmilij aalmuglâšjuáigus Sámieatnan duoddariid, Ulpu Mattus-Kumpunen

15:30 Kähvi- já kákkukuásuttem Saijoos aulast

18:30 Eehidkonsert Ulla Pirttijärvi & Ulda

Eehidkonsert lii tme 18:30 Saijoos auditoriost. Konsertist lávdásteh Ulla Pirttijärvi & Ulda. Eehidkonsert lii puohháid áávus ige vaađâ munealmottâttâm. Sajeh láá räijejum meeri já toh tiävdojeh puáttimoornigist te pääihi oolâ kannat puáttiđ ääigild. Ulla Pirttijärvi & Ulda oovdânpyehtih moodeern sämimuusik, mast tave luándun lohtâseijee teemah já juáigus ovtâstuveh muusik peht ärbivuáválii sämikulttuurân já tááláá ááigán.

Sämitigge tuáivut puohâid lieggâsávt tiervâpuáttim juhlođ sämmilij aalmugpeeivi já uđâsmittum sämitiggelaavâ.

Lasetiäđuh tábáhtusâst:

Saara-Maria Salonen
saara-maria.salonen@samediggi.fi
044 739 4007