Euroop algâaalmugmađhâšemkonferens EITC 2025
World Indigenous Tourism Alliance (WINTA) oovtâst Sämitiggijn já Laapi ollâopâttuvváin puávdee puohâid, kiäid ääši kiäsut, Euroop algâaalmugmađhâšemkonferensân EITC 2025:n, mii uárnejuvvoo 20.−22.5.2025 Anarist. Uásálistem lii máhđulâš sehe pääihi alne já káidusin.
Konferens fáddán lii eettisávt kilelis algâaalmugmađhâšem. Uárnejeijeeh tuáivutteh lieggâsávt tiervâpuáttim puohháid, kiäid fáddá kiäsut, eromâšávt algâaalmugij mađhâšemirâtteijeeh já čonâsjuávhuh Säämist, Ruánááenâmist já pirrâ maailm sehe eres mađhâšemsektor ovdâsteijeeh fáádá ooleest já meid algâaalmugtotkeeh.
Konferens uássin uárnejuvvoo 20.5.2025 algâaalmugmađhâšem tutkâmsymposium. 21.−22.5.2025 vuáijup eettisávt kilelis algâaalmugmađhâšem vuáhádâhân.
Konferensist lii simultaantulkkum eŋgâlâskielân, anarâš-, nuorttâlâš- já tavesämikielân sehe suomâkielân, eereeb tutkâmsymposium, mon kiellân lii tuš eŋgâlâskielâ.
Almottâttâm konferensân tábáhtuvá tääbbin. Káidusin uásálisteid ij lah almottâttâmmáksu. Pääihi alne uásálistein piärroo uásálistemmáksu, mii luávdá purâdemkoloid. Sij, kiäh uásálisteh pääihi alne, västideh jiejah meid mätki- já ijâstâllâmkoloin. Almottâttâmsiijđost kávnojeh tiäđuh finnimnáál orroo ijâstâllâmmuulsâiävtuin.
Máttááttâs- já kulttuurministeriö lii mieđettâm eromâštorjuu konferens ornim várás.
Ohtâvuotâolmooš:
Monika Lüthje, Laapi ollâopâttâh, puh. 040-484 4198, monika.luthje@ulapland.fi
