Saavâjođetteijee Pirita Näkkäläjärvi máccá vaanhimijriijâst vyesimáánust 2026: II värisaavâjođetteijee Tuomas Aslak Juuso juátká toos räi saavâjođetteijee sajasâžžân
Saavâjođetteijee Pirita Näkkäläjärvi máccá paargon 12.5.2026. Maccâm räi saavâjođetteijeejuávkku juátká tolebáá soppum sajasâšorniistâlmijguin. Näkkäläjärvi uásálist meid sämmilij aalmugpeeivi juuhlán 6.2.2026.
Kooveest Sämitige saavâjođetteijee Pirita Näkkäläjärvi (kaskoo), I värisaavâjođetteijee Leo Aikio (čižetpeln) já II värisaavâjođetteijee Tuomas Aslak Juuso (uálgispeln). Kove: Ville Fofonoff / Sämitigge
Sämitige saavâjođetteijeejuávkku soovâi juovlâmáánust 2024 sajasâšorniistâlmijn saavâjođetteijee Pirita Näkkäläjärvi vaanhimijriijâ ääigi. Näkkäläjärvi sajasâžžân uđđâivemáánu 2025 rääjist lii toimâm II värisaavâjođetteijee Tuomas Aslak Juuso.
Saavâjođetteijee Näkkäläjärvi sektorovdâsvástádâsah láá juohhum I värisaavâjođetteijei Leo Aikion já II värisaavâjođetteijei Tuomas Aslak Juuson. Tolebáá lii meid soppum värisaavâjođetteijei jieijâs sektorovdâsvástádâsâin sehe saavâjođetteijeejuávhu ohtsijn ovdâsvástádâssuorgijn.
Saavâjođetteijeejuávhu jieškođe-uv jeessân ovdâsvástádâsâst láá suu ovdâsvástádâssektorij ciälkkámušah, iävtuttâsah, alguuh já uáivilalmottâsah sehe eres västideijee äššikirjeh.
Vyelni lii listo ovdâsvástádâssuorgijn vaanhimijriijâ ääigi:
Tuomas Aslak Juuso:
- olesovdâsvástádâs já stuárráábeh proseseh
- budjetääših
- aalmugijkoskâsâš toimâ
- EU-ääših
- sämikielah
- arâšoddâdem
- škovlimääših
- sosiaal- já tiervâsvuođâhuolâttâs
- oovtâstpargo Laapi pyereestvaijeemkuávloin
- eres sosiaaltorvo
- ovdâskoddejuávhui oovtâstpargo-orgaan saavâjođetteijee pargoh
- nuorâiääših
- kaavpugsämmilij ääših
- arvetävgiääših
Leo Aikio:
- iäláttâs-, vuoigâdvuotâ- já pirâsääših
- sämimađhâšem
- anarâšääših
- iäláttâshárjutteijei sosiaaltorvo
- Tiänun kyeskee ääših
- Lappi-sopâmušproosees
- kieldâoovtâstpargo
- kulttuurääših
- párnáikulttuur-, elleekove- já muusikkuávdáštoimâ, Duodji-akatemia
- kulttuurärbi
Saavâjođetteijeeh oovtâst:
- sämitiggelahâuđâsmittem
- šoŋŋâdâhnubástus, luándulappum
- tuotâvuotâ- já sovâdâttâmproosees
- tave-eennâmlâš sämisopâmuš
Lasetiäđuh:
Tuomas Aslak Juuso
II värisaavâjođetteijee, saavâjođetteijee sajasâš
040 687 3394
tuomas.juuso@samediggi.fi
Leo Aikio
I värisaavâjođetteijee
040 621 6505
leo.aikio@samediggi.fi
