Uđđâ nuorttâlâškielâlâš Tiõrv! 1 liânt -digimaterial lii almostum
Škovlim- já oppâmateriaaltoimâttâh lii almostittâm uđđâ nuorttâlâškielâlii jienâmaterial. Tiõrv! 1 liânt -digimaterial lii jienâmaterial, mii kulá Tiõrv! Koltansaamen kurssi 1 -oppâ- já hárjuttâskiirján.
Taat ráiđu lii vuávájum nuorttâlâškielâ B3 máttááttâsân (nuorttâlâškielân vieres kiellân, mii álgá luvâttuvâst), mutâ material heivee meid rävisulmui máttááttâsân.
Ulmen lii nanodiđ nuorttâlâškielâ algâkuursâ uáppee jienâdem já sárnumkielâ iberdem. Materialist láá meid tááláá ääigi eenikielâlii sárnoo luuhâm nuorttâlâšarkkâduv teevstah. Toi vievâst arkkâduv kevttim šadda älkkeebin.
Unni Länsman já Esther Berelowitsch lává tuáijám siskáldâs digitaallii pirrâsân já oppâ- já hárjuttâskirje kuuvijd lii ráhtám Erja Taskinen. Sárnooh láá Raija Lehtola, Tiina Sanila-Aikio, Anna-Katariina Feodoroff, Ville-Riiko Fofonoff, Eeva Nykänen já Tauno Porsanger.
Anna-Katariina Feodoroff lii čáállám oppâkirje teevstâid Satu já Jouni Moshnikoff teevstâi vuáđuld. Hárjuttâskirje teevstâid láá čáállám Satu já Jouni Moshnikoff, Esther Berelowitsch já Tiina Sanila-Aikio.
- Digimaterial puáhtá tiiláđ Sämitige nettikäävpist: Tiõrv! 1 liânt digikirje
Lasetiäđuh:
Esther Berelowitsch
Vs oppâmateriaalvuávájeijee
044 746 7280
esther.berelowitsch@samediggi.fi
