Virkkuuvääri 6 eenikielâ já kirjálâšvuotâ- oppâkirje lii almostum
Sämitige škovlimtoimâttâh lii almostittâm anarâškielâlâš Virkkuuvääri 6 eenikielâ já kirjálâšvuođâ oppâkirje.
Material lii uáivildum vuáđuškoovlâ kuuđâd luoka anarâškielâ eenikielâ já kirjálâšvuođâ máttááttâsân. Material siskeeld kielân já kirjálâšvuotân kyeskee teevstâid já hárjuttâsâid sehe tekstâváldusijd čaabâ- já tiätukirjálâšvuođâst. Material rähtim vuáđđun lii kevttum Otava Uusi Kipinä 6 oppâkirje. Rähteeh láá siskálduv uásild Emilia Nieminen, Petter Morottaja, Miina Seurujärvi já kirje lii tuájám sehe kuuvijn sárgum Mika Kolehmainen. Virkkuuvääri-rááiđust láá ovdil almostum Otava materialij vuáđuld kuálmád, niäljád já viiđâd luoka oppâkirjeh. Ráiđu nohá kuuđâd luokan.
Oppâkirje puáhtá tiiláđ Sämitige oppâmaterialkäävpist: Virkkuuvääri 6 eenikielâ já kirjálâšvuotâ oppâkirje
Lasetiäđuh:
Miina Seurujärvi
Oppâmaterialvuávájeijee, anarâškielâlâš oppâmaterial
010 839 3193
miina.seurujarvi@samediggi.fi
