Čolmiš 7 eenikielâ já kirjálâšvuotâ – uáppee digikirje lii almostittum
Sämitige škovlimtoimâttâh lii almostittâm anarâškielâlâš Čolmiš 7 eenikielâ já kirjálâšvuođâ oppâkirje. Kirje lii digitaallâš oppâmaterial.
Material lii uáivildum vuáđuškoovlâ čiččâd luoka anarâškielâlâš eenikielâ já kirjálâšvuođâ máttááttâsân. Material siskeeld kielâ já kirjálâšvuođâ kyeskee teevstâid já hárjuttâsâid sehe tekstâváldusijd čaabâ- já tiätukirjálâšvuođâst. Material vuáđuduvá Otava Särmä 7 digitaallâš oppâmaterialin.
Oppâkirje puáhtá tiiláđ Sämitige oppâmaterialkäävpist:
Čolmiš 7 eenikielâ já kirjálâšvuotâ – uáppee digikirje
Lasetiäđuh
Miina Seurujärvi
Oppâmaterialvuávájeijee, anarâškielâlâš oppâmaterial
050 344 0504 / 010 839 3193
miina.seurujarvi@samediggi.fi
