Saavâjođetteijee sajasâš Juuso oovdâst Sämitige OA algâaalmugij pisováá foorumist

OA algâaalmugij pisováá foorum 25. čuákkim uárnejuvvoo 20.4.-1.5.2026 OA válduvisteest New Yorkist já tábáhtusâst tárkkojeh algâaalmugij tiervâsvuođâ meid konfliktij uáinust. Foorum čuákkee oohtân algâaalmugij ovdâsteijeid, staatâid, OA-tuáimeid já eres kuoimijd. Meid Sämitige Nuorâirääđi lii mieldi pisováá foorumist. Nuorâirääđi ovdâstává värisaavâjođetteijee Ellen Saijets já nuorâirääđi jeessân Niila-Juhán Valkeapää.

Foorumist uásálisteeh savâstâleh foorum kuuđâ uásisyergist, moh kuleh toimânaddelmân: ekonomâlâš já sosiaallâš ovdánem, kulttuur, piirâs, škovlim, tiervâsvuotâ já olmoošvuoigâdvuođah. Savâstâlmijn puátá oovdân meid OA algâaalmugij vuoigâdvuođâi julgáštus sehe OA kilelis ovdánem ohjelm Agenda 2030. Lasseen uárnejuvvojeh maaŋgah miäldustábáhtusah, čuákkimeh já savâstâlmeh algâaalmugijguin, OA servijguin já eres oovtâstpargokuoimijguin.

Čuákkimist tiädutteh eromâšávt:

• Aalgâaalmugij tiervâsvuotân čyeccee uhkeh eromâšávt konflikttiilij ääigi.
• Kulttuurmiäldásij já torvolij tiervâsvuotâpalvâlusâi tárbu.
• OA algâaalmugjulgáštus já kilelis ovdánem uulmij olášuttem tiervâsvuođâ uáinust.

Tuomâs Aslak Juuso väljejum raavâadeleijen OA algâaalmugkoččâmuššáid kyeskee kulâmáid

Sämitige saavâjođetteijee sajasâš Tuomas Aslak Juuso lii nomâttum raavâadeleijen tuárjuđ OA almosčuákkim saavâjođetteijee nomâttem koordinaattorijd algâaalmugij uásálistmân kyeskee kulâmijn. Nomâttem lohtâs máhđuláid lasetoimáid, moiguin nanoduvvoo algâaalmugij ovdâsteijei já instituutioi uásálistem OA čuákkimáid sijjân kyeskee aašijn.

Lasetiäđuh:

Tuomas Aslak Juuso
Saavâjođetteijee sajasâš
040 687 3394
tuomas.juuso@samediggi.fi 

Inka-Saara Arttijeff
aalmugijkoskâsij aašij čällee
010 839 3198 / 050 574 7629
inka-saara.arttijeff@samediggi.fi