Sämitigge ocá iäláttâsčällee

Sämitige iäláttâsčällee pargoh láá luvâttâllum Sämitige pargo-oornigist saajeest 26 c §. Iäláttâsčällee pargon lii ei. valmâštâllâđ sämmilij iäláttâssáid já toi oovdedmân lohtâseijee aašijd väldimáin huámmášumán sämmilij ärbivuáválii tiäđu, valmâštâllâđ jieijâs toimâsyergi uásild sämmilij päikkikuávlu eennâmkevttimân lohtâseijee já vaikuttâsâi peeleest toos ulâtteijee aašijd sehe toimâđ iäláttâs- já vuoigâdvuođâlävdikode oovdânpyehten.

Palvâluskoskâvuođâ tiäđuh

Fastâ pargo álgá sopâmuš mield nuuvt jotelávt ko máhđulâš.

Virge tevdimist nuávdittuvvoo kuuđâ mánuppaje keččâlemäigi.

Iäláttâsčällee pargo lii Sämitiggeest almos toimâttuvâst. Sämitige toimâsaje lii Säämi kulttuurkuávdáš Sajosist, Anarist. Pargo lii máhđulâš porgâđ uásild káiduspargon.

Occest mij vyerdip

Asâttâsân vuáđuduvvee tohálâšvuođâvátámâššân lii virge vaattâm škovlim já lasseen váttoo sämikielâ máttu (asâttâs 1727/95).  Pargo miänástuvvee hoittám váátá vijđes sämikulttuur já ärbivuáválii tiäđu tubdâm, šiev sämi-iäláttâsâi já sämikuávlu tubdâm, hárjánem haaldâtlijn pargoin sehe šiev ráđádâllâm- já oovtâstpargotááiđuid. Vyerdip njyebžilis kirjálii tááiđu, tááiđu porgâđ jiečânávt já meid šiev organisistem- já streesihaldâšemnaavcâid. Hiäivulâš ollâškovlâtođhos iššeed pargo miänástuvvee hoittáámist.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulii, rijjâhámásii uuccâmreeivâ sehe máhđulii ánsuluvâttâllâm já eres lahtosijd (kirjálijd tuođâštusâid kielâtááiđust já totkosijn) kalga toimâttiđ Sämitige čäällimkoodán majemustáá 30.4.2026 räi taan uuccâmluámáttuv peht (lekkâs uđđâ laasân). Uuccâmluámáttâh

Lasetiäđuid pargoost addel haldâttâhhovdâ Pia Ruotsala-Kangasniemi puh 010 833 106.

Sämitige tooimân puáhtá uápásmuđ čujottâsâst www.samediggi.fi

Anarist 1.4.2026
Sämitigge