Sämitigge ocá meriáigásii tavesämikielâ kielâpargee-jurgâleijee

Kielâpargee-jurgâleijee pargon lii hoittáđ tavesämikielâ jurgâlempargoid Sämitige sämikielâ toimâttuvâst.

Palvâluskoskâvuođâ tiäđuh

Pargo álgá sopâmuš mield. Meriáigásii palvâluskoskâvuođâ kukkodâh lii kuttâ mánuppaje, máhđulávt kuhheeb-uv. Máhđulii joođhâst suáppoo sierâ. Palvâlemkoskâvuođâ tevdimist nuávdittuvvoo kyevti mánuppaje keččâlemäigi.

Sämikielâ toimâttâh lii Anarist, Säämi kulttuurkuávdáš Sajosist. Pargo lii máhđulâš porgâđ káiduspargon.

Occest mij vyerdip

Kielâpargee-jurgâleijee tohálâšvuođâiähtun lii hiäivulâš škovlim já sämikielâ táiđu (asâttâs 1727/95). Lasseen jurgâleijee tohálâšvuotâvátámâššân lii laavâst auktorisistum jurgâleijen (1231/2007) uáivildum vuoigâdvuotâ toimâđ auktorisistum jurgâleijen suomâkielâst tavesämikielân tâi nubijkulij. Pargo miänástuvvee hoittáámist iššeed pargohárjánem jurgâlempargoin, šiev tavesämikielâ já sánáduv tubdâm, sehe naavcah jiečânâs já huolâlii porgâmân. Mij anneep áárvust šiev oovtâstpargo- já vuáruvaikuttâstááiđuid.

Pälkki

Pargo pälkki miärášuvá Sämitige pälkkivuáháduv vátávâšvuotâtääsi IV/IV tâi V/II mield (vuáđupälkki 2877,73–2762,37 eurod/mp). Vuáđupäälhi lasseen pargoost máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 10.3.2026 räi taan šleđgâlii uuccâmluámáttuv peht: Uuccâmluámáttâh

Lasetiäđuid pargoost addel Sämitige kielâtorvočällee Anne Kirste Aikio +358 40 707 5626 tâi anne-kirste.aikio(at)samediggi.fi

Anarist 24.2.2026
Sämitigge