Koijâdâllâm sämiaalmugân: Sämmilij hástuseh raajijd rastaldittee sosiaaltorvoost
Sämitigge já Kela láá toohâm uđâsmittum oovtâstpargosopâmuš ive 2021, mon mield ovdeduvvojeh sämmilijd kyeskee sosiaaltorvo já sämmilij kielâliih vuoigâdvuođah säämi kielâlaavâ mield (15.12.2003/1086). Sämitigge já Kela ráđádâleh jyehi ive oovtâstpargoost.
Kove: Johanna Alatorvinen
Ive 2025 oovtâstpargoráđádâlmijn vyesimáánust meridui vuáđudiđ pargojuávhu, mon pargon lii selvâttiđ sämiaalmug hástusijd räjioovtâstpargokoččâmušâin já valdâliđ hástusijd meid ovdâmerhâiguin. Taan koijâdâllâm vievâst pyevtittuvvojeh tiäđuh pargojuávkun. Vástádâsâi vuáđuld puáhtá meid smiettâđ máhđulijd ovdedemfáádáid. Taan koijâdâlmist mij lep perustum eromâšávt tain Kela mieđettem hiäđuin raajijd rastaldittee tiilijn; vaanhimijpeiviruuđah, pärnilase, Kela mäksim pargottesvuotâtorvo, puoccâmpeiviruttâ, vajodittem sehe pyecceetipšo raajij rasta ulâtteijee tiilijn.
Koijâdâlmân puáhtá västidiđ paajeest 5.2.2026- 23.2.2026 suomâkielân já puoh kuulmâ sämikielân.
Liŋkkâ koijâdâlmân kávnoo taa: https://link.webropolsurveys.com/S/AFECADEDB2C974FF
Lasetiäđuid adeleh
Sämitigge:
Riitta Lehtola-Kosonen, riitta.lehtola-kosonen(a)samediggi.fi, puh. +358 44 777 4820
Marko Marjomaa, marko.marjomaa(a)samediggi.fi, puh. +358 50 438 2484
KELA:
Kela Aalmugijkoskâsij aašij mättimkuávdáš international.affairs(at)kela.fi
