Sämitigge ocá markkânistemhoovdâ

Sämikulttuurkuávdáš Sajos lii Anarist, Juvvâduv riddoost. Sajos lii Suomâ sämmilij parlamenttáálu, mađhâšeijei kollimčuosâttâh sehe tábáhtussaje, kost lii máhđulâš orniđ áinoošlajâsii pirrâsist maaŋgâlágán čuákkimijd, konferensijd já tábáhtusâid. Saijoos ohtâvuođâst tuáimá palvâlemohtâdâh, mii västid Sämitige stiivrâ vuálásâšvuođâst eereeb iärrás kulttuurkuávdáá markkânistmist, Saijoos raavâdviäsutoimâmist sehe teknisii já logistlii palvâlempyevtitmist já kiddoduv paijeentolâmân lahtojeijee pargoin sehe jieškote-uvlágán tábáhtusâi orniimist.

Markkânistemhoovdâ pargoid kulá ei. huolâttiđ Sämikulttuurkuávdáš Saijoos čuákkimviistij já palvâlusâi markkânistmist já vyebdimist, tábáhtusâi pyevtitmân já orniimân lahtojeijee keevâtlijn aašijn palvâlemohtâduv eres pargeiguin sehe västidiđ palvâlemohtâduv ruttâtuálust. Markkânistemhovdâ tuáimá Saijoos palvâlemohtâduv tiimi uássin já oles palvâlemohtâduv aldaovdâolmožin. Markkânistemhoovdâ pargoid kulá toimâsuárgásis kullee oovdânpyehtimpargoi čođâldittem Sämitige toimâorgaanijn.

Palvâlemkoskâvuođâ tiäđuh

Virgekoskâvuotâ álgáččij sopâmuš mield čohčuv 2025 já tot lii tuáistáážân vyeimist orroo. Pargo tevdimist čuávvoo kuuđâ mánuppaje keččâlemäigi.

Pargo pargoo Sämikulttuurkuávdáš Saijoosist, Anarist.

Occest mij vyerdip

Tohálâšvuotâiähtun lii pargo vaattâm hiäivulâš škovliittâs sehe sämikielâ táiđu (asâttâs 1727/95). Viirgán kullee pargoi miänástuvvee tipšom váátá hiäivulii ollâškovlâtotkos, markkânistemsyergi já sämikulttuur pyere tubdâmuš, sehe pyere eŋgâlâškielâ tááiđu. Pargo miänástuvvee tipšomân tarbâšuvvojeh pyereh ohtsâšpargo- já viärmáduvâi rähtimtááiđuh sehe aktivlâš markkânistemvuoiŋâ já strategilii jurdâččem já toimâm ovdedem naavcah.

Mij vyerdip hárjánem joođeetmist já ovdâolmoošpargoost. Pyereh persovnjođettemtááiđuh, čuávdusáid já ohtsâšpaargon viggee toimâmvyehi aldaovdâolmoošpargoost, tedâkierdâmnaavcah sehe pyereh vuáruvaiguttâs- já tiimijođettemtááiđuh láá teháliih valmâšvuođah markkânistemhoovdâ pargo tipšomist.

Pälkki

Pälkki miärášuvá Sämitige pälkkivuáháduv vätteevuođâtääsi III/II mield (vuáđupälkki olespargoääigist 3404,76 eurod/mp). Vuáđupäälhi lasseen máksojeh sämikuávlust porgâdijn 24 % sämikuávlu lase já pargofeerim mield miärášuvvee feerimlaseh.

Uuccâm

Uuccâmluámáttuv sehe rijjâhámásâš ucâmušreeivâ sehe máhđulii ánsuluvâttâllâm já eres labdosijd kalga toimâttiđ Sämitige čäällimkoodán majemustáá 21.8.2025 taan šleđgâlii uuccâmluámáttuv peht (lekkâs uđđâ laasân) Uuccâmluámáttâh

Lasetiäđuid pargoost addel ääigist 21.-25.7.2025 já 3.–6.8.2025 pargeihovdâ Ida Pirttijärvi, ida.pirttijarvi@samediggi.fi, puh. 040 660 77 22 já ääigist 7.-21.8.2025 haldâttâhhovdâ Pia Ruotsala-Kangasniemi, pia.ruotsala@samediggi.fi, puh. 010 839 3106.

Saijoos já Sämitige toimâmân puáhtá uápásmiđ nettičujottâsâin www.sajos.fi já www.samediggi.fi

Anarist 21.7.2025
Sämitigge