Sämitigge ocá nuorâičällee virgesajasii

Nuorâičällee pargoh miärášuveh Sämitige pargo-oornig 26 a § mield. Nuorâičällee váldupargon lii toimâđ nuorâirääđi oovdânpyehten já čällen já valmâštâllâđ nuorâirääđi čuákkimijn kieđâvuššâmnáál aašijd sehe olášuttiđ miärádâsâid. Lasseen nuorâičällee pargon lii ei. valmâštâllâđ Sämitige toimâorgaanáid säminuorâi eellimtiilijd já pyereestvajemân kyeskee aašijd, ovdediđ sämmilii nuorâipargo oovtâst säminuorâiguin, västidiđ sämitige nuorâitieđeetmist sehe tipšođ sämmilii nuorâimeriruuđâ haaldâšmân lahtojeijee pargoid.

Palvâlemkoskâvuođâ tiäđuh

Virgesajasâšvuotâ álgáččij 15.9.2025 tâi sopâmuš mield já pištá 31.7.2026 räi. Pargo sajaduvá Sämitige almolii toimâttuv vuálá.

Sämitige toimâsaje lii Sämikulttuurkuávdáš Saijoosist, Anarist, mutâ pargo lii máhđulâš porgâđ káiduspargon.

Occest mij vyerdip

Tohálâšvuotâiähtun lii pargo vaattâm hiäivulâš škovliittâs sehe sämikielâ táiđu (asâttâs 1727/95). Virge miänástuvvee tipšom iššeed hiäivulâš ollâškovlâtođhos, pyeri nuorâiaašij, sämikulttuur já haaldâtlij pargoi tubdâmuš sehe pyereh ohtsâšpargo- já vuáruvaiguttâstááiđuh. Mij vyerdip meiddei njyebžilis čäällimtááiđu, valmâšvuođâ jiečânâs porgâmân, puorijd organisistem- já tedâkierdâmnaavcâid.

Pälkki

Pälkki miärášuvá Sämitige pälkkivuáháduv vätteevuođâtääsi IV/II mield (vuáđupälkki olespargoääigist 2998,97 eurod/mp). Vuáđupäälhi lasseen máksojeh sämikuávlust porgâdijn 24 % sämikuávlu lase já pargofeerim mield miärášuvvee feerimlaseh.

Uuccâm

Uuccâmluámáttuv sehe iävtutátulâš rijjâhámásâš ucâmušreeivâ sehe máhđulii ánsuluvâttâllâm já eres labdosijd kalga toimâttiđ Sämitige čäällimkoodán majemustáá 25.8.2025 taan šleđgâlii uuccâmluámáttuv peht (lekkâs uđđâ laasân) Uuccâmluámáttâh

Lasetiäđuid pargoost addel ääigist 7.–25.8.2025 haldâttâhhovdâ Pia Ruotsala-Kangasniemi, pia.ruotsala@samediggi.fi, puh. 040 726 2688

Sämitige toimáid puáhtá uápásmiđ nettičujottâsâst www.samediggi.fi já nuorâirääđi toimâmân čujottâsâst nuor.fi

Anarist 25.7.2025
Sämitigge