Sämitigge ocá oppâmateriaalčällee virgesajasii
Sämitigge almoot uuccâmnáál oppâmateriaalčällee virgesajasâšvuođâ.
Oppâmateriaalčällee pargoh láá miäruštâllum Sämitige pargo-oornig 40 §:st. Oppâmateriaalčällee ei. valmâštâl sämikielâlii oppâmateriaal pyevtitmân kyeskee aašijd, haaldâš oppâmateriaalmeriruuđâ kevttim, tuáimá oovdânpyehten oppâmateriaalaašijn sierâ toimâorgaanijn, čuávu oppâmateriaalkiedi ovdánem, máttááttâsvuávám já kulá materiaalij vaalmâštmist máttáátteijeid.
Oppâmateriaalprojektáid lohtâseijee pargoin oppâmateriaalčällee tuáimá noonâ oovtâstpargoost oppâmateriaalvuávájeijeiguin.
Palvâluskoskâvuođâ tiäđuh
Sajasâšvuotâ álgá sopâmuš mield nuuvt jotelávt ko máhđulâš, já tot pištá ive 2026 loopâ räi, máhđulávt kuhheeb-uv ääigi.
Pargo tevdimist nuávdittuvvoo neelji mánuppaje keččâlemäigi.
Oppâmateriaaltoimâttuv toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ uásild káiduspargon.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm hiäivulâš škovliittâs já lasseen váttoo sämikielâ máttu (asâttâs 1727/95). Virge miänástuvvee hoittám váátá hiäivulii ollâškovlâtotkos, šiev máttááttâs- já oppâmateriaalaašij já haaldâtlij pargoi tubdâm, noonâ mättim staatâtorjuu haaldâšmist, naavcâid haldâšiđ olesvuođâid vuáváámist kidâ operatiivlii olášutmân, šiev oovtâstpargo- já ornimtááiđuid sehe čielgâ kirjálii viestâdemtááiđu.
Pälkki
Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 8.1.2026 räi taan uuccâmluámáttuv peht (lekkâs uđđâ laasân). Uuccâmluámáttâh
Lasetiäđui pargoost adelává haldâttâhhovdâ Pia Ruotsala-Kangasniemi, pia.ruotsala@samediggi.fi, puh. 040 726 2688 já škovlimčällee Bigga-Helena Magga, bigga-helena.magga@samediggi.fi
Sämitige tooimân puáhtá uápásmuđ nettičujottâsâst www.samediggi.fi
Anarist 18.12.2026
Sämitigge
