Sämitigge ocá sämimuusikkuávdáá vuávájeijee

Sämitige vuálásii sämimuusikkuávdáá ulmen lii tuárjuđ ärbivuáválij sämmilij vookaalmuusiktiijpâi (luohti, leuʹdd já livđe) siäilum já ovdedem sehe tuárjuđ já ovdediđ moodeern sämimuusik.

Sämimuusikkuávdáá tooimâ joođeet vuávájeijee. Muusikkuávdáá vuávájeijee tuáimá meid oovdânpyehten Sämitige stiivrân aašijn, moh kuleh suu pargoid já toimâsuárgán, sehe olášut ton miärádâsâid. Vuávájeijee pargon lii hoittáđ kuávdáá toimâpajan nanodum toimâvuávám miäldásijd sehe meid haldâttâhhoovdâ sunjin sierâ meridem pargoid. Stuárráámus pargo-olesvuotâ muusikkuávdáá vuávájeijest lii Ijâttes ijjâ -algâaalmugij muusikfestivaal pyevtitteijen toimâm.

Palvâluskoskâvuođâ tiäđuh

Pargo álgáččij sopâmuš mield ive 2025 ääigi já tot lii tuáistáážân vyeimist. Vuávájeijee pargoäigi já máhđulâš uásiáigásâšvuotâ miärášuvá Máttááttâs- já kulttuurministeriö mieđettem staatâtorjuu mield.

Virge tevdimist nuávdittuvvoo kuuđâ mánuppaje keččâlemäigi.

Muusikkuávdáá toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ uásild káiduspargon.

Occest mij vyerdip

Asâttâsân vuáđuduvvee tohálâšvuođâiähtun lii hiäivulâš škovlim já sämikielâ táiđu (asâttâs 1727/95). Virge miänástuvvee hoittám váátá vijđes sämikulttuur já sämmilii muusikärbivyevi tubdâm, šiev haaldâtlij pargoi tubdâm, naavcâid haldâšiđ olesvuođâid vuáváámist kidâ operatiivlii olášutmân, šiev oovtâstpargo- já ornimnaavcâid sehe čielgâ kirjálii viestâdemtááiđu.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki olespargoääigist 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 25.10.2025 räi taan šleđgâlii uuccâmluámáttuv peht (lekkâs uđđâ laasân): Uuccâmluámáttâh

Lasetiäđuid pargoost addel haldâttâhhovdâ Pia Ruotsala-Kangasniemi, pia.ruotsala@samediggi.fi 040 726 2688

Sämitige tooimân puáhtá uápásmuđ nettičujottâsâst www.samediggi.fi

Anarist 25.9.2025
Sämitigge