Sämitigge teivâdij ministerij staatâčälleid Sajosist Anarist 27.10.
Teivâdem lâi uási staatâčällei Tave-Suomâ kollim, mon kuávdášliih teemah lijjii torvolâšvuotâ, tavevuotâ já sämmilâšvuotâ. Kollim ääigi Sämitigge oovdânpuovtij äigikyevdilijd aašijd, moh kyeskih sämmilijd.
– Mun lam ilolâš, ete staatâčälleeh pottii pääihi oolâ uápásmuđ tavekuávlu aššijd. Mij pajedijm oovdân eromâšávt sämmilijd kyeskee äigikyevdilijd koččâmušâid, tego sämikielâlij soti-palvâlusâi turvim, eennâmkevttimân já ärbivuáváláid iäláttâssáid lohtâseijee aašijd sehe sämikielâi káidusmáttááttâshaavâ fastâđem, kijttá Sämitige saavâjođetteijee sajasâš Tuomas Aslak Juuso teivâdmist.
Sämitiggeest teivâdmân uásálistii saavâjođetteijee sajasii lasseen stiivrâ jeessân Tauno Ljetoff, haldâttâhhovdâ Pia Ruotsala-Kangasniemi, iäláttâs- já pirâslahâčällee Sarita Kämäräinen já viestâdemčällee Johanna Alatorvinen. Nuorttâlij sijdâčuákkimist mieldi láin nuorttâlij ovdâolmooš Veikko Feodoroff já čällee Terhi Harju.
Lasetiäđuh
Tuomas Aslak Juuso
Saavâjođetteijee sajasâš
040 687 3394
tuomas.juuso@samediggi.fi
Pia Ruotsala-Kangasniemi
Haldâttâhhovdâ
040 726 2688 / 010 839 3106
pia.ruotsala@samediggi.fi
