Sämitige čuákkim 14.4. uárnejuvvoo káidusohtâvuođáin
Sämitige čuákkim 2/2025 uárnejuvvoo vuossaargâ cuáŋuimáánu 14. peeivi 2025 tme 9-16 ekonomia heiviittemtooimâ keežild káidusohtâvuođáin. Ulmuuh peesih čuávvuđ čuákkim Zoom-káidusohtâvuođâ peht.
Sämitige ornijdemčuákkim 23 - 24.9.2024. Kove: Ville Fofonoff
Čuákkimaašijn láá Sämitige almostorjuu budjetiävtuttâs ihán 2026, Sämitige pälkkinjuolgâdus tärhistem já ovdâsteijee nomâttem Laapi pyereestvaijeemkuávlu sämikielâ lävdikoodán. Tievâsčuákkim tuálá meid vuolgâttemsavâstâllâm kaavaamist já eennâmkevttimhaavâin sämmilij kulttuurân šaddee vaikuttâsâi árvuštâllâm oovdedmist já kulá Erva Niittyvuopio já Mari Valjakka äššitobden Sämmiliih kirhoost –haavâ loppâraportist.
Sämitige čuákkim meridij ive 2025 toimâvuávám ooleest ekonomia heiviittemtooimâin. Heiviittemtooimah kyeskih almostorjui, mon riehtiministeriö mieđeet Sämitiigán já moin ruttâduvvojeh almos-, pargoviehâ- já ekonomiahaldâttâh, miärádâstoohâm já pooliitlâš toimâ. Heiviittemtooimâi ekonomâlâš vaikuttâs lii ollásávt Sämitige uásild 193 000 €.
Čuávu čuákkim Zoom-káidusohtâvuođâ peht.
Tun peesah čuávvuđ Sämitige čuákkim Zoom-webinaar peht. Tun jieh taarbâš sierâ heiviittâs, peic puávtáh čuávvuđ čuákkim jieijâd nettilaađđâm peht. Tun puávtáh kuittâg haalijddijnâd luođiđ heiviittâs Zoom siijđoin. Čuákkimist lii tulkkum tavesämikielân, anarâškielân, nuorttâlâškielân já suomâkielân.
- Webinaar liŋkkâ: https://us06web.zoom.us/j/82766639361
- Čuákkim 2/2025 äššilisto lii dokumentpaaŋkist
Lasetiäđuh:
Tuomas Aslak Juuso
Saavâjođetteijee sajasâš
040 687 3394
tuomas.juuso@samediggi.fi
Pia Ruotsala-Kangasniemi
Haldâttâhhovdâ
040 726 2688
pia.ruotsala@samediggi.fi
