Sämitigge pivdá kommentijd Sämmilij päikkikuávlu luánduriggodâhvuávám koskâtarkkum várás
Sämitigge uásálist 26.-27.1.2026 Meccihaldâttâs ornim Sämmilij päikkikuávlu luánduriggodâhvuávám 2022–2027 koskâtarkkuumân luánduriggodâhvuávám oovtâstpargojuávhu jesânin. Koskâtarkkuumân rahttâttâm ooleest Sämitigge haalijd kuullâđ vijđáht kuávlu sämmilij kevttei uáivilijd.
Luánduriggodâhvuávám miäruštâl staatâ haldâšem eennâm- já čäcikuávlui ekologâlii, ekonomâlii, sosiaallii já kulttuurlii kilelis kevttim kuhes áigáduvâst. Sämmilij päikkikuávlust luánduriggodâhvuávám 2022–2027 luávdá oles Sämmilij päikkikuávlu, ađai Iänuduv, Aanaar já Ucjuv kieldâi sehe Suáđigil kieldâ Laapi palgâs kuávlust staatâ haldâšem eennâm- já čäcikuávluid.
Tego luánduriggodâhvuáváámist eteh ”Taan luánduriggodâhvuávám merhâšittee iäru Meccihaldâttâs eres luánduriggodâhvuáváámij háárán lii tot, ete taa luánduriggoduvâi hoittám, kevttim já suojâlem heiviittuvvoo oohtân omâsteijee asâttem ulmijd já páihálijd ulmijd tienuuvt, ete siämmást torvejuvvojeh sämmilij kulttuur hárjuttem máhđulâšvuođah.” (s. 4.)
Mij pivdep uáivilijd kuávlu sämmilijn kevttein eromâšávt tain aašijn:
- Maht luánduriggodâhvuáváámist oovdânpuohtum tooimah láá olášum eromâšávt sämikulttuur uáinust?
- Magareh máhđuliih uđđâ táárbuh láá puáttám oovdân luánduriggodâhvuávám háárán?
- Magareh ovdedemtáárbuh sämmilijn tuáimein láá oovtâstpargo pyeredem várás Meccihaldâttâs suundán?
Vuolgât jieijâd uáivil šleđgâpoostâ peht 21.1.2026 räi:
- Vuolgât viestâ čujottâssáid: info@samediggi.fi já olsen-ljetoff@samediggi.fi
- Čääli viestâ fáddán: Sämmilij päikkikuávlu luánduriggodâhvuávám koskâtarkkum.
Uáppáásm Sämmilij päikkikuávlu luánduriggodâhvuáváámân 2022-2027: https://julkaisut.metsa.fi/wp-content/uploads/sites/2/2022/07/saamelaisten_kotiseutualueen_lvs_suomi.pdf
Lasetiäđuh:
Laura Olsén-Ljetoff
Iäláttâsčällee
040 617 5113 / 010 839 3123
laura.olsen-ljetoff@samediggi.fi
