Tiäđáttâs ive 2027 sämitiggevaaljâi valjâluvâttâlmân ucâmist
Sämitige valjâlävdikodde lii algâttâm valjâluvâttâllâm uđđâsist čokkim ive 2027 vaaljâi várás.
Ulmuuh, kiäh láá merkkejum ive 2024 sämitiggevaaljâi valjâluvâttâlmân, iä taarbâš tevdiđ uđđâ uuccâmluámáttuv. Ive 2024 vaaljâin valjâluvâttâlmân merkkejum olmooš váldoo valjâluvâttâlmân ucâmušttáá, jis sun tiävdá tááláá laavâst asâttum iävtuid valjâluvâttâlmân merkkiimist. Valjâlävdikodde pivdá lasetiäđuid, jis lii tárbu.
Uuccâmluámáttuvah ive 2027 valjâluvâttâlmân uuccâm várás almostittojeh talle, ko riehtiministeriö asâttâs monâttâlmist, mii nuávdittuvvoo sämitiggevaaljâin, lii uđâsmittum, kuittâg majemustáá 15.8.2026. Pivdem ive 2027 valjâluvâttâlmân väldim tâi tast meddâlistem várás kalga toimâttiđ valjâlävdikoodán šleđgâlávt tâi poostâ mield tienuuvt, ete tot lii vuástáväldest majemustáá čohčâmáánu 30. peeivi 2026.
Laavâ sämitiggeest 974/1995 3 § (27.6.2025/414) mield:
“Vuoigâdvuotâ merkkejuđ valjâluvâttâlmân lii ulmust, kote ana jieijâs sämmilâžžân, toin iävttoin, ete:
1) olmooš jieš teikkâ aainâs-uv ohtâ suu vanhimijn, ááhust já äijihist teikkâ ááhui já äijihij vanhimijn lii oppâm sämikielâ vuossâmužžân kiellân; teikkâ
2) aainâs-uv ohtâ suu vanhimijn lii merkkejum teikkâ lii lamaš merkkejum jienâstemvuoigâdvuođâlâžžân 1.uđđâivemáánu 2027 tâi tast maŋa uárnejum sämitige vaaljâin.
Valjâluvâttâlmân merkkim iähtun lii meid, ete taan laavâst asâttum ahan, aalmugjeessânvuotân já aalmugregisterân kyeskee jienâstemvuoigâdvuođâ eres vátámâšah olášuveh.”
Huámmáš, ete saje 2) kuáská valjáid, moh uárnejuvvojeh ive 2027 sämitiggevaaljâi maŋa.
Toos lasseen:
Sämitige valjâluvâttâlmân merkkim iähtun lii ulmuu aassâmsaajeest peerusthánnáá ton lasseen, mii 3 §:st asâttuvvoo, ete olmooš tiävdá majemustáá valjâtoimâttâs majemuu peeivi 18 ihheed já ete sun lii Suomâ aalmugjeessân teikkâ sust lii olgoeennâm aalmugjesânin lamaš päikkikieldâlaavâst (201/1994) uáivildum päikkikieldâ Suomâst talle ko ucâmuš valjâluvâttâlmân väldimist kalga majemustáá rähtiđ.” (Laahâ sämitiggeest 974/1995 21 § (27.6.2025/414)).
Lasetiäđuh:
Sämitige valjâlävdikodde
Säämi kulttuurkuávdáš Sajos
vaalit(at)samediggi.fi
