Seminaar (ovdâkonferens): šoŋŋâdâhnubástus vaikuttâs sämmilij tiervâsvuotân já pyereestvajemân: eettisiih já siärvusist vyelgee aldanemvyevih tutkâmušâst
Mij ornip oovtâst Tiervâsvuođâ já pyereestvaijeem lájádâssáin (THL) já European Public Health Associationin Migrant and Ethnic Minority Health -uásáduvváin oles peeivi kukkosii seminaar (ovdâkonferens) šoŋŋâdâhnubástus vaikuttâsâin sämmilij tiervâsvuotân já pyereestvajemân sehe eettisijn já siärvusist vyelgee aldanemvuovvijn tutkâmušâst.
Kove: Ville Fofonoff
Seminaar lii uási European Public Health -konferensist, mii puáhtá skammâmáánust Helsigân aalmugtiervâsvuotâtiettuu äššitobdeid já totkeid pirrâ Euroop.
Ohjelmist láá eereeb iärrás:
- Lekkâmsahâvuáruh: Sämitige saavâjođetteijee sajasâš Tuomas Aslak Juuso sehe THL uáivihovdâ Mika Salminen.
- Oovdânpyehtimeh já savâstâlmeh šoŋŋâdâhnubástus vaikuttâsâin sämisiärváduv aargân já mielâtiervâsvuotân, dekolonialistmist tutkâmušâst sehe eettisij tutkâmravvui heivitmist.
- Savâstâlmeh algâaalmugij vijđásub uáinust já tast, maid oopâid puáhtá heiviittiđ meid eres ucceeblohojuávhui tutkâmân.
Tun puávtáh uásálistiđ tuš seminaarân, ko máávsáh 25 euro uásálistemmáávsu. Máksu ana sistees koskâpeivimáállás já kähvikuásuttem.
Visásmit jieijâd saje já almottât jotelávt!
Almottât fáárun mieldi orroo liiŋkâ peht já valjii almottâttâmmuddoost rievtis seminaar, ađai Pre-conference: Impact of climate change on the Sámi health and wellbeing: ethical and community-driven approaches (SAMI): https://ephconference.eu/register-107
Jis tun lah jo almottâttâm konferensân, mutâ halijdiččih lasseen uásálistiđ ovdâkonferensân, te vuolgât šleđgâpoostâ: registration(at)ephconference.eu.
- Äigi: majebargâ 11.11.2025 tme 9.00–17.00
- Päikki: Finlandia-táálu (täärhib päikki almottuvvoo almottâttâm ulmuid)
- Tábáhtus kielâ lii eŋgâlâskielâ.
Täärhib ohjelm: https://ephconference.eu/2025-pre-conference-programme-738
