Sämitigge ocá av-teknikkár

Säämi kulttuurkuávdáš Saijoos ohtâvuođâst tuáimá palvâlemohtâdâh, mii västid Sämitige stiivrâ vuálásâžžân eereeb iärrás kulttuurkuávdáá markkânistmist, Saijoos raavâdviäsutooimâst sehe teknisii já logistisii palvâlempyevtitmist já kiddoduv paijeentolâmân lohtâseijee pargoin sehe sierâlágán tábáhtusâi orniimist. Palvâlemohtâduvâst láá kyehti av-teknikkár tooimâ.

Av-teknikkár parga Säämi kulttuurkuávdáš Sajosist, Anarist. Av-teknikkár pargon lii huolâttiđ Sajosist orroo já meid palvâlemohtâduvâst eres soojijd tiilájum tilálâšvuođâi teknisii olášutmist ei. kove, jienâ já čuovah. Lasseen av-teknikkár oovded Saijoos av-vuáháduvâid, hoittáá skappuumijd já iššeed tábáhtusâi orniimân lohtâseijee eres pargoin.

Palvâluskoskâvuođâ tiäđuh

Pargokoskâvuotâ álgáččij sopâmuš mield roovvâd-skammâmáánust já tot lii tuáistáážân vyeimist orroo. Tooimâ tevdimist nuávdittuvvoo kuuđâ mánuppaje keččâlemäigi.

Pargo porgâmsaje lii Säämi kulttuurkuávdáš Sajos Anarist.

Occest mij vyerdip

Tohálâšvuođâiähtun lii pargo vaattâm hiäivulâš škovlim já sämikielâ táiđu (asâttâs 1727/95).  Pargo miänástuvvee hoittám váátá šiev teknisii mättim AV-tekniikist, hárjánem västideijee pargoin, njyebžilvuođâ já šiev äššigâspalvâlemtááiđuid. Tuárvi pyeri eŋgâlâskielâ táiđu annoo hiättun.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/IV mield (vuáđupälkki olespargoääigist 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 30.9.2025 räi taan uuccâmluámáttuv peht (lekkâs uđđâ laasân): Uuccâmluámáttâh

Lasetiäđuid pargoost addel haldâttâhhovdâ Pia Ruotsala-Kangasniemi, pia.ruotsala@samediggi.fi 040 726 2688

Sämitiigán já Säämi kulttuurkuávdáš Sajosân puáhtá uápásmuđ nettičujottâsâst www.samediggi.fi  já www.sajos.fi

Anarist 1.9.2025
Sämitigge