Sämitigge ocá saavâjođetteijee išedeijee

Saavâjođetteijee išedeijee pargoh miärášuveh Sämitige pargo-oornig 7 b § mield. Saavâjođetteijee išedeijee váldupargon lii išediđ saavâjođetteijee olášuttiđ pargo-oornig miäldásijd pargoid. Lasseen saavâjođetteijee išedeijee valmâštâl já oovdânpuáhtá táárbu mield stiivrâ, Sämitige já lävdikuudij čuákkimist jieijâs toimâsyergi aašijd já olášut toi miärádâsâid sehe valmâštâl saavâjođetteijee já haldâttâhhoovdâ sierâ meridâm pargoid já iššeed táárbu mield värisaavâjođetteijeid jieijâs toimâsyergi pargoin.

Palvâluskoskâvuođâ tiäđuh

Sämitige pargo-oornig mield saavâjođetteijee išedeijee nomâttuvvoo tooimân saavâjođetteijee toimâpajan. Saavâjođetteijee išedeijee toimâ álgáččij čohčâmáánust 2025 tâi sopâmuš mield nuuvt jotelávt ko máhđulâš já pištá 30.11.2027 räi. Toimâ lii Sämitige almos toimâttuv vuálásâš.

Sämitige toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ káiduspargon.

Occest mij vyerdip

Tohálâšvuotâvátámâššân lii hiäivulâš ollâškovlâtođhos. Lasseen váttoo sämikielâ táiđu (asâttâs 1727/95). Tooimâ miänástuvvee hoittám váátá vijđes sämikulttuur tubdâm, šiev haaldâtlij pargoi tubdâm, šiev čäällimtááiđu já stressikierdâmnaavcâ, njyebžilvuođâ já šiev organisistem- já oovtâstpargotááiđuid.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki olespargoääigist 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 3.9.2025 räi taan uuccâmluámáttuv peht (lekkâs uđđâ laasân). Uuccâmluámáttâh

Lasetiäđuid pargoost addel haldâttâhhovdâ Pia Ruotsala-Kangasniemi, pia.ruotsala@samediggi.fi 040 726 2688

Sämitige tooimân puáhtá uápásmuđ nettičujottâsâst www.samediggi.fi

Anarist 20.8.2025
Sämitigge