Sämitiggevaaljâi uđđâ nettisiijđoh láá almostittum
Sämitige valjáid láá lekkum sierâ nettisiijđoh. Siijđoin tun kaavnah vuáđutiäđuid sämitiggevaaljâin já keevâtlijd ravvuid sehe iävtukkâssáid já jienâsteijeid.
Uđâsmittum sijđoid tun peesah uápásmuđ čujottâsâst vaalit.samediggi.fi/vaaljah/. Valjâsijđoid tun peesah meid Sämitige nettisiijđoi peht.
Uđđâ siijđoi mield valjáid lohtâseijee tiäđuh láá oovtâ saajeest ovdiist čielgâsubbooht já vijđásubbooht. Siijđoi ulmen lii älkkeedittiđ tiäđu kavnâm já faallâđ vijđes olesvuođâ puohháid, kiäh oceh tiäđu vaaljâin. Siijđoin tun kaavnah tiäđuid ovdâmerkkân
- valjâluvâttâlmân ucâluumeest
- iävtukkâssân älgimist
- já jienâstmist.
Täst ovdâskulij sämitiggevaljáid lohtâseijee tiäđuh, ravvuuh já luámáttuvah kávnojeh vaaljâi jieijâs siijđoin.
Uuccâmluámáttâh ive 2027 sämitiggevaaljâi valjâluvâttâlmân almostittoo siijđoin keesi ääigi. Taat tábáhtuvá tast maŋa, ko riehtiministeriö uđâsmittum asâttâs Sämitige valjâmonâttâlmist lii šoddâm vuáimán. Ucâlume älgimist mij tieđettep sierâ.
Lasetiäđuh:
valjâlävdikode toimâttâh
vaalit@samediggi.fi
