Uđđâ Bálggis-oppâmaterial tuárju orjâlâškielâ oppâm 2. luokkaast

Bálggis-čoovčâ hárjuttâskirje lii uđđâ 2. luoka orjâlâškielâ eenikielâ máttááttâsân čujottum oppâmaterial, mii tuárju luuhâm, čäällim, sänirááju já kielâlii tiäđulâšvuođâ ovdánem. Kirje puáhtá kevttiđ meid aaleeb luokkain. Sämitige almostittem kirje lii ráhtám sierânâsluoka máttáátteijee Aura Pieski já kirje kuuvijd lii sárgum kovetaaiđâr Nora Bäck.

Kirje persovneh láá uáppeid uáppáseh oovdeb Árdna-oppâmaterialist já Bálggis-hárjuttâskirje hárjuttâsah juátkih luándulávt algâmáttááttâsâst algâttum oppâmpálgá. Hárjuttâskirje maaŋgâpiäláliih hárjuttâsah movtijditeh kevttiđ kielâ aktiivlávt. Oppâmaterial siskáldâs váldá inspiraatio sämmilii eellimpirrâsist, luándust, siärvusist já kulttuurist. Ulmen lii nanodiđ uáppei tavesämikielâ tááiđu sehe tuárjuđ sii kulttuurlii identiteet. Kirjeest láá uásih meid jiešárvuštâlmân já viärdásâšmacâttâsân.

Bálggis-olesvuotâ ovdeduvvoo mudoi mield. Čoovčâ hárjuttâskirje lasseen pargo vyelni láá kiiđâ hárjuttâskirje já luuhâmkirje, moh tievâsmiteh oppâmaterialrááiđu puáttee iivij ääigi. Čoovčâ hárjuttâskiirján lohtâseijee luuhâmkirje teevstâid puáhtá tiiláđ digitaallii häämist keččâlemkiävtun ovdil ko eidusâš luuhâmkirje valmâštuvá.

Lasetiäđuh já keččâlemkiävttumaterialeh

Aura Pieski
Oppâmaterialvuávájeijee
aura.pieski@samediggi.fi