Uuccâmalmottâs: Staatâtoorjâ kulttuur- já kielâpiervâltooimâ ornim várás ive 2027

Máttááttâs- já kulttuurministeriö mieđeet jyehi ive Sämitiigán staatâtorjuu sämikielâlii kulttuur- já kielâpiervâltooimâ ornim várás. Staatâtorjuin máksojeh meid kulttuur- já kielâpiervâltooimâ koordinistempargo já pedagogisii torjuu koloh. Staatâtoorjâ lii ive 2026 1,3 miljovn eurod.

Tooimâ uárnejeijeeh oceh staatâtoorjâuási Sämitiggeest. Sämitigge tuáimá staatâtoorjâvirgeomâhâžžân Sämitiggelaavâ (414/2025) mield. Sämitige pargo-oornig mield arâšoddâdemlävdikodde meerrid staatâtorjuu jyehimist. Sämitige miärádâsân ruuđâi kiävtust jieijâs tooimân ij uážu uuccâđ nubástus väidimáin. Sämitige mieđettem torjuid heiviittuvvoo staatâtoorjâlaahâ (688/2001).

Torjuu tárguttâs

Mieđettum staatâtorjuin tuárjoo orjâlâš-, anarâš- já nuorttâlâškielâlii kulttuur- já kielâpiervâltooimâ ornim. Staatâtorjuu mieđettem ruttâdemvuáđustâsah láá luvâttâllum Sämitige Kulttuur- já kielâpiervâltooimâ ruttâdemvuáđustâsâin.

Uuccâmtohálâšvuotâ

Torjuu pyehtih uuccâđ toh kieldah, moh uárnejeh sämikielâlii kulttuur- já kielâpiervâltooimâ Sämitige Kulttuur- já kielâpiervâltooimâ ruttâdemvuáđustâsâi mield.

Uuccâm

Ucâmušah toimâttuvvojeh já vuáláčállojeh Visma Sign-palvâlusâst.

Ucâmušah kalgeh leđe vuástáväldest majemustáá 11.9. tme 16.

Uuccâmluámáttâh

Kulttuur- já kielâpiervâltooimâ ruttâdemvuáđustâsah

Tiätu uuccâm älgimist lii toimâttum šleđgâpostáin ive 2026 ucâmist mieldi orroo kieldáid.

Lasetiäđuh

Lasetiäđuid adelává:

Niina Aikio-Siltala
Sierânâsäššitobdee, Sämmilii arâšoddâdem pedagogiik
niina.aikio-siltala@samediggi.fi / 040 487 5414

Anni Koivisto
Sierânâsäššitobdee, arâšoddâdem
anni.koivisto@samediggi.fi