Ohcanalmmuhus: Stáhtadoarjja kultur- ja giellabeassedoaimma ordnemii jagi 2027

Oahpahus- ja kulturministeriija mieđiha juohke jagi Sámediggái stáhtadoarjaga sámegielat kultur- ja giellabeassedoaimma ordnemii. Stáhtadoarjagis gokčojuvvojit maiddái kultur- ja giellabeassedoaimma koordinerenbarggu ja pedagogalaš doarjaga golut. Stáhtadoarjja lea jagi 2026 oktiibuot 1,3 miljovnna euro.

Doaimma ordnejeaddjit ohcet stáhtadoarjjaoasi Sámedikkis.  Sámediggi doaibmá stáhtadoarjjaeiseváldin Sámediggelága (414/2025) mielde. Sámedikki bargoortnega mielde árrabajásgeassinlávdegoddi mearrida stáhtadoarjaga juohkimis. Sámedikki mearrádussii ruđaid geavaheamis iežas doibmii ii oaččo ohcat nuppástusa váidimiin. Sámedikki mieđihan doarjagiidda heivehuvvo stáhtadoarjjaláhka (688/2001).

Doarjaga ulbmil

Mieđihuvvon stáhtadoarjagiin doarjut davvisáme-, anáraš- ja nuortalašgielat kultur- ja giellabeassedoaimma ordnema. Stáhtadoarjaga mieđiheami ruhtadanvuođuštusat leat listejuvvon Sámedikki Kultur- ja giellabeassedoaimma ruhtadanvuođuštusain.

Ohcangelbbolašvuohta

Doarjaga sáhttet ohcat dat gielddat, mat ordnejit sámegielat kultur- ja giellabeassedoaimma Sámedikki Kultur- ja giellabeassedoaimma ruhtadanvuođuštusaid mielde.

Ohcan

Ohcamušat doaimmahuvvojit ja vuolláičállojit Visma Sing-bálvalusas.

Ohcamušat galget ollet maŋimustá 11.9. dii 16.

Ohcanskovvi

Kultur- ja giellabeassedoaimma ruhtadanvuođustusat

Diehtu ohcama álgimis lea doaimmahuvvon e-poasttain gielddaide, mat ledje jagi 2026 ohcamis mielde.

Lassidieđut

Lassidieđuid addá:

Niina Aikio-Siltala
Erenoamášáššedovdi, Sámi árrabajásgeassima pedagogihkka
niina.aikio-siltala@samediggi.fi / 040 487 5414

Anni Koivisto
Erenoamášáššedovdi, árrabajásgeassin
anni.koivisto@samediggi.fi