Sámegielat
Sámi giellalágas lea mearriduvvon sápmelaččaid vuoigatvuođas geavahit iežas giela duopmostuolus ja eará eiseválddiid olis. Dasa lassin eiseválddit leat geatnegahtton ollašuhttit ja ovddidit sápmelaččaid gielalaš vuoigatvuođaid. Sámediggi rávve ja veahkeha áinnas áššiin, mat gusket sámegillii ja sámi giellaláhkii.
Áigeguovdil
Váldde oktavuođa
Sámegiela doaimmahat ollašuhttá sámi giellalága (láhka 1086/2003, ásahus 108/2004) namuhuvvon bargguid. Dat fuolaha lágas oaivvilduvvon jorgalusaid dahkamis virgeoapmehaččaide ja lágadusaide, veahkeha eiseválddiid ja lágadusaid sámegielat dulkkaid háhkamis sihke eará sámi giellalágas oaivvilduvvon bargguin sihke čuovvu movt sámi giellaláhka ollašuhtto ja dahká maid álgagiid sámegiela geavaheami ovddideapmi ovdii.
Sámegiela doaimmahaga bargit rávvejit ja veahkehit áinnas áššiin, mat gusket sámegillii ja sámi giellaláhkii.
Anne Kirste Aikio
Spesiálaáššedovdi, gielalaš vuoigatvuođat, ovttadaga hoavda
Marko Marjomaa
Spesiálaáššedovdi, sámi giellaáššit
Niina Aikio-Siltala
Spesiálaáššedovdi, sámi árrabajásgeassima pedagogihka
Tanja Kyrö
Anárašgiela jorgaleaddji
Vástida jorgalandoaimma koordineremis.
