Sosiáladorvu
Sosiáladorvu fállá vuođđoáigáiboađu dakkár diliin, go olmmoš ii bastte šat ieš fuolahit das. Suomas sosiáladorvvu ollašuhttimis fuolahit Kela, buresveadjinguovllut, bargguhisvuođakássat ja ealáhat- ja eará oadjolágádusat.
Sosiáladorvu guoská áigáiboađu dárbbu, maid dagahit boarisvuohta, bargonávccahisvuohta, buohcuvuohta, bargguhisvuohta, máná oažžun, fuolaheaddji massin, veajuiduhttin dahje stuđeren.
Suoma sosiáladorvvu biirii gullet dábálaččat Suomas fásta ássit ja Suomas bargi olbmot. Muhtin diliin olmmoš, gii orru olgoriikkain, sáhttá gullat Suoma sosiáladorvvu biirii. Oassi sosiáladorvoovdduin lea čatnasis ovddit boađuide dahje bargamii.
Lassidieđut Kela fállan sosiáladorvvus
Lassidieđut Lappi buresveadjinguovllu fállan sosiáladorvvus
Jos Kela fállan sosiáladorvu ii leat doarvái, dus sáhttá leat vuoigatvuohta dievasmahtti dahje eastadeaddji áigáiboahtodoarjagii. Lassidieđuid dievasmahtti dahje eastadeaddji áigáiboahtodoarjaga ohcamis gávnnat iežat buresveadjinguovllu neahttasiidduin. Sámiid ruovttuguovllus doaibmá Lappi buresveadjinguovlu.
