Sosiaaltorvo
Sosiaaltorvo fáálá vuáđuáigápuáđu tagarijn tiilijn, main olmooš jieš ij paste tast västidiđ. Suomâst sosiaaltorvo olášutmist huolâtteh Kela, pyereestvaijeemkuávluh, pargottesvuotâkasah já iäláttâh- já eres táhádâslájádâsah.
Sosiaaltorvo luávdá puárisvuođâst, pargonavcâttesvuođâst, puácuvuođâst, pargottesvuođâst, päärni finniimist, huolâtteijee moonâtmist, vajoditmist tâi uápuin šoddâm táárbu áigápuátun.
Suomâ sosiaaltorvo pirrâdâhân kuleh táválávt ulmuuh, kiäh ääsih Suomâst pisovávt já ulmuuh, kiäh pargeh Suomâst. Motomijn tiilijn olgoenâmijn uápuid čođâldittee olmooš puáhtá kulluđ Suomâ sosiaaltorvo pirrâdâhân. Uási sosiaaltorvohiäđuin láá čonâsist oovdeb puáđoid tâi porgâmân.
Lasetiäđuh Kela faallâm sosiaaltorvoost
Lasetiäđuh Laapi pyereestvaijeemkuávlu faallâm sosiaaltorvoost
Jis Kela faallâm sosiaaltorvo ij pijssáá, te tust sáttá leđe vuoigâdvuotâ tievâsmittee tâi estee áigápuátutorjui. Lasetiäđuid tievâsmittee tâi estee áigápuátutorjuu ucâmist tun kaavnah jieijâd pyereestvaijeemkuávlu nettisiijđoin. Sämmilij päikkikuávlust tuáimá Laapi pyereestvaijeemkuávlu.
